سەرسەعبو ئارۊی سوپاو عێراقی حۊلشدا کە جە یاگە ستراتیجییەکانە سەروازەکاش یاگەگیر کەرۊ و دەسش بە ھۊرکەندەو خەندەقی کەرڎ. پا مەڵامەتۊ خەڵکو کەمپو پەناھەنڎا گەشمەرڎە رۊسەم جودی وەرەن ڕوشا مرڎېوە و مدرنێشا.

ئەرەنیشتۍ وېڕاگرۍ مەخموری کە وەردەمو سوپاو عێراقینە خێمێشا ھورڎېنە قسێشا پۍ ئاژانسو هەواڵی فورات(ئەنەفە)ی کەرڎۍ.

ئەحمەد هیلالی: بانگەواز دریا کە سوپاو عێراقی دەسش بە ھورکەنڎەو خەندەقی کەرڎەن. خەڵکی قارەمان و وېڕاگرو مەخموری بڕېشا جە لاو  ھانەو سیسۊی و بڕېچشا جە لایۍ تەرۊ لوۋۍ. جە بەینو ئێمە و ئاڎیشانە گرژی ڕوۋەشدا. تائاستێوە عال کیشنێماوە دماوە. خەیمێما ھوردا. حەتا دمایی پا حۊلا نێنە، یاگۍ ۋێما چۊڵ مەکەرمۍ، ملمۍ سەرشا و وەرەنڕوشا مردمێوە. ئەگەر قەبوڵما کەرڎۍ، جە سەرنیشتو کورڎسانی ئانەی قەبوڵ کەرېنمۍ. ئێمە مەلمۍ چێرو ئا باریە، چنی گەلەکەیما وېڕاگری کەرمۍ. حەتا نە کیشیاوە چالاکی ئێمە وەردەوام بۊ.

فەرحان ددێری: ماوەو شش ڕوۋان وېڕاگری مکەرمۍ. پەنج ڕۊی ۋیەرڎەنە بڕۍ گلێرۊبیۍ ئەنجامدریۍ، وەعدشا دا، بەڵام ئارۊ نزیک بە سەعاڎ ٠٥:٠٠ی جارێوەتەر دەسشا بە حۊلەکاشا کەرڎۊ. بە هێزێۋە فرۊ گەرەکشابۍ گەمارۊو کەمپەکەی بڎا و چوۋاردەورش گێرا. نیازشاھەن بە تەمامی کامپەکەی وزانە چێرو ھەیمەنەو ۋېشاوە. بە مدرامانو گۊرە و ئیراڎەو گەلی ئانەی دلێنەبەرمۍ. بانگەواز ئاراسەو گرڎو جەهانی کەرمۍ، گرڎ ھوربێزدۍ سەروپەیا. گەرەکشانە بەش بەش بەیا وەڵێوە و ئا پلانۍ جابەجۍ کەرا کە نیێنەشارە. خەیمێما ھوردێنە، بە ئیراڎەو ۋېما وېڕاگری کەرمۍ. قەناعەتما بە گەلەکەیما ھەن. ئێمە ئیراڎەشا ماڕمۍ. ئاڎۍ مەتاوا ئیراڎەما ماڕا".

هـ . ش