سوپاو عێراقی جە ۲۰و ئایاریوە حۊل مڎۊ جە دۊروبەرو کامپو پەنابەرا گەشمەرڎە ڕۊسەم جودی (مەخمور)ینە خەندەق هۊرکەنۊ، کامپەکەی تەلبەن کەرۊ و بورجی چەمڎاری مەرزنارە. جە ڕۊی یوۋەمۊ حەتا ئیسە پەناهەنڎۍ مەخموری جە وەران وەرو ئا حۊلەینە مرڎېنۍ و  وەرگری جە ۋېشا مکەرا.

خەڵکو کەمپەکەی ماوەو ١٠ ڕوۋان بە شەو و ڕۊ جە مدرامانی وەردەوامېنۍ، ماوەو ١٠ ڕوۋان سەروازە عێراقییەکۍ گرڎ ڕوۋۍ حۊل مڎا کەمپەکەی بە تەلبەنڎکەرڎەی گەمارۊ بڎا. سەرەڕاو گرڎو گلېرۊبیەکا، کە عێراق وەعدش دان کامپەکەی تەلبەن نەکەرۊ، بەڵام ڕۊ دماو ڕۊی پاگیری پۍ تەلبەن کەرڎە و گەمارۊدای کامپەکەی زیاتەر بۊ.

سەروازە عێراقییەکۍ بە تایبەتی گەرەکشانە ئاوەو کەمپەکەی بڕا، پۍ ئانەیچ هېزی حۊلشا دا دۊروبەرو بیرەو ئاوەو کەمپەکەی گېرا و دەسش سەرەرە گېرا. جارێوەتەر ئەرەنیشتۍ کەمپەکەی جە وەران ۋەرو ئا حۊلەینە مرڎېنێوە و ڕاگیریشا چانەی کەرڎ کە ئاوەکېشا بڕیۊ. سەروازە عێراقییەکۍ بە تایبەت ڕوۋە جە بیرەو ئاوەو کامپەکەی مکەرا و گەرەکشانە ئاوەو بیرەکۍ بە تەمامی سەرو خەڵکو کامپەکەیرە بڕا.

مدرامانو خەڵکو کامپو پەنابەرا مەخموری ماوەو ۱۰ ڕوۋان وەردەواما.

هـ . ش