پەکەکە جە بینای کۆنگرەو ١٢ـەمینو ۋێشەنە گەشمەرڎە بیەو هەردووە کادرۍ سەرمەشقۍ پەکەکەی عەلی حەیدەر قەیتانی و ڕەزا ئاڵتوونیش ئەرەیاۋنا. چنی ئەرەیاۋنای گەشمەرڎەبیەیشا جە کوردەسانو جبەریچنە مەراسیمو یاڎکەردەیۆکا بە شکۆوە ملۊڕاوە. چا چوارچێوەنە جە ئامەدەنە مەراسیمێوە یاڎ کەردەیۆ جەماوەری ئەنجام دریا، بەشدارا مەراسیمەکەی پەی ئاژانسوو هەواڵوو فوراتی (ANF) قسێشا کەردۍ.

تەنیا ئاشتی و ئازادیما گەرەکا'

ساکینە بەهجەتە: گرڏ و گیان بەختکەرا ئی پرۆسەیە یاڏ مکەرمێوە. داواما ئاشتییا، هەرپاسە وینمێ کوردێ و ڕابەرەکەشا خاوەنداریشا جە پرۆسەو ئاشتی کەرد. ئانەی گەرەکمانە هەنگامنییاو پراکتیکییا. پەی ئاشتیی  ئینایمه چێ.

'گەرەکمانە دمای بە جەنگی بارمێنە'                

مەنیجە یەنیر: پەی ئاشتی هەنگامەما نیا؛ داواما ئاشتی و یەکسانیین و گرڏ وەختێ پاسە بییەن. ئانەی جە دەسمانە بێ پەی ئاشتیی مکەرمێش. ئیتر گەرەکمانە ئی جەنگە دمایش بێ. ئیتر هەڵسە و چەما ئەڏیایاما گەرەک نییا.

'گەلوو کوردی ئەوەکۆشای ئاشتی مکەرۆ'

فەسیح ئاڵتوون: پرۆسەی تازە ئاشتی فرە گرنگ وینانە. پێسە و گەلی ئاشتیما گەرەکا، بەڵام بڕواما پی سیستەمەیە نەمەنەن. گرڏما داواما ئانێنە ئی پرۆسە بەشێوێ درووس بلۆ وەڵێوە. گەلوو کوردی پەی ئاشتی ئەوەکۆشای گۆرە مکەرۆ، داواما ئانێنە گرژییەکێ دمایشا بێ.

'بەیدێ پێوەرە ئەوەکۆشای بەرمێ ڕاوە'

حەلیمە ئاکمان: ئینایمێ سەرو  ڕا وڕابەر ئاپۆیی و هەنگامەما هورگێرتێنە. ئینایمێ سەر و ڕاو گەشمەرڏاما. بە هیچ شێوێوە قسێ ڕابەر ئاپۆی مەماڕمێ.

با گرڏ کەسێ بزانۆ گەلوو کوردی پەی ئاشتی ئەوەکۆشۆنە. مشۆم تورکیچ داواو ئاشتی بکەرۆ و ڕۆڵەو کەسیما نەمرۆ. بانگەواز جە ئەڏیایا تورکی مکەرۆ؛ وەرن بەیدێ پەی ئاشتی کۆشش بکەردێ.