سەروو داواکاریی مەڵبەنڎوو ڕۊشنویریی ھەورامانی و بە مەبەسوو پەرسومسڵەحەتی و قسەوباسی ڕۊشنویری، حەمەو حەمەسەعیدی وەزیروو ڕۊشنویری و گەنجا، مێمانڎاریی ژمارێوە جە بنویسا و ڕۊشنویراو (ھەورامانوو وەرکەوت)یش کەرد، دیڎارەکە ماوەو چوار ڕواش خواینا، درێژەو دیڎارەکەینە بنویسە هەورامییەکاو وەرکەوتی چەنی (وەزیروو ڕۊشنویری و گەنجا، ڕاوەبەرایەتیی گردینوو ڕۊشنویری و ھونەریی ھەڵەبجەی، سەرۊکوو زانکۊو ھەڵەبجەی و ژمارێوە جە مامۊسایا زانکۊی و بنویسا، یانەو سیاوچەمانەی، ناوەنڎوو ژیوای، بنکەو ژینی، لەقوو سلێمانیی یۊبییەی نویسەراو کورڎسانی، مەڵبەنڎوو کۊرڎۊلۊژی)ی کوۍ بیێوە و خاڵەی سەرەکییەو کۊبییەیۊکاو گردوو قسەوباسوو ئەرەنیشتەیەکا، هەرمانکەرڎەی بۍ پەی گەشەپەنەدای ڕەوتوو رۊشنویری و گرنگیدای بە زوانی و فەرھەنگوو ھەورامانی، حەرپاسە بەشداریکەرڎەی جە چالاکییە ڕۊشنویرییەکانە گرنگتەرین خاڵۍ باسەکا بێنۍ.

یاگۍ واتەینە دیڎارەکە دماو کۊنگرەو هەورامانئشناسیرە ئاما، کە چی مانگێنە زانکۊو کورڎسانوو سنەی بە هامبەشی چەنی زانکۊو هەڵەبجەی بەستشا، ژمارێوە تایبەتۍ جە بنویسا و پانیشتی بەشدارییشا کۊنگرەکەنە کەرد و ئەوەکۊڵیێشا سەروو هەورامانی پێشکەشۍ کەرڎۍ و ویروڕاشا چەنی بنویسا و ئەکادیمییا و وەرکەوتوو کورڎسانی فاڕاوە.

س.ز