لە ئاهەنگێوەنە کە ئەریڤاننە بۆنەو ٨ مارسیوە کریا، پەیامێوە ونیاوە: "ئێمە بە پەشتیوانیکەردەی جە ویرۆکەو شۆڕشوو ژەنا کۆشیایما پەی ئازادیی ژەنا دژوو عەقڵیەتی دەسەڵاتداروو پیای پەرە پەنە مدەیمێ."
ڕۆو ٨ مارسی ڕۆو جیهانیی ژەنە کرێکارا، شاروو ئەریڤانوو پایتەختوو ئەرمەنێستانینە، بە سەرمەشقایەتیی یۆبییەی ژەنە ئازادا، ئاهەنگێوە گێڵیا.
جگە جە ژەناو کوردی خەڵکوو ئۆکتەمبەریانی، ئەلەگەزی و ناوەندوو شاروو ئەریڤانی، ژەناو ئەرمەنیچ بەشدارییشا ئاهەنگەکەنە کەرد.
ئەوەڵ چالاکییەکە هۆڵوو کەمینەکانە بە خولەکێوە ڕێزگێەتەی پەی یادوو ئا ژەنا، کە کۆشیای ئازادیی کوردستانینە گەشمەردەبییەی دەسش پەنە کەرد. سەیران جەلادە ئەندامەو یۆبییەی ژەنە ئازادا قسێش کەردێ و سەرنجەش پەی تارێخ، مانێ و گرنگیی ڕۆو جیهانیی ژەنە کرێکاراو ٨ مارسی کێشتە. سەیران جەلادە ئاماژەش پانەیە دا، کە تاریخوو کۆشیای ئازادیی ژەنانە باجی گەورە و قورس دریان و واتش: "٨ مارسی ڕۆو جیهانیی ژەنە کرێکاران، بەتایبەت جە ژەناو زیندانی، ئەدایاو ئاشتیما و سەرجەموو ژەنا مەبارەک کەرمێ. گرد چیوێ پێوەسا بە ئیرادەو ژەناوە، ئەگەر ژەنی پەی پارێزنای مافەکاشا کۆشیا، حیچ هێزێوە نمەتاوۆمافوو ژەنێتییشا چەنە بسانۆوە، پێسەو ژەنەو کوردی، جە سایێ فەلسەفەو ڕابەر ئاپۆیۆ، تەڤگەروو ئازادیی ژەناو کوردی ئارۆ ئینێ چێگە و کۆشیای پەی ئازادیی وێشا کەرا."
درێژەو چالاکییەکەینە پەیامەکاو ٨ مارسوو ڕێکوزیا جیاوازەکا بە زوانی ئەرمەنی ونیاوە.
چالاکییەکە بە گورانییەکاو هونەرمەند زاگرۆس ڕۆژهەڵاتی بەردەوا بی و دروشموو "ژەنی، ژیوای، ئازادی"، "بژیوۆ سەرۆک ئاپۆ " و "بژیوۆ ٨ مارس"ی بەردەوام وچیێوە.
دمایی مەراسیمەکەنە ولی سەروو ژەنارە بەش کریا
