' خواکوڕکەنە ٢٧ ئەرەگیرۍ سزادریۍ'
ئەرەیاۋیا کە جە ئاکاموو ئۆپراسیۆنێوە گەریلاکاو ئازاڎیی کوردسانینە جە خواکورک ٢٧ سەروازۍ تورکی سزادریېنۍ و ١٧ تفەنگېچ دەسشا سەرەرە گیریان.
بە پاو زانیارییەکا کە جە سەرچەمە هەرێمیەکاوە دەسوزیېنۍ، گەریلاکاو ئازاڎیی کوردسانی هېزی نزیک بە سەعات ١٦:٠٠ جە کەش و گەشمەرڎە قەهرەمانی سەر بە هەرێموو خواکورکی جە یەرۍ لېوە هجومشا کەرڎەن سەروو سەروازاو تورکی ئەرەگیری. ئانەیچ وزیان ڕووە، کە چا چالاکیەنە ٢٧ سەروازۍ تورکی ئەرەگیری سزادریېنۍ و ١٧ چەکۍ ئەرەگیرایچ دەسشا سەرەرە گیریان.
نامۍ بەشێوە چا سەروازا کە سزادریېنۍ پی جۆرەنە: رەمەزان گونای، مەحمود سەرینکان، چاغاتای ئەرەنۆغڵو، یاسین کاراجا، ئەمرە تاشکن و ئیسماعیل یازیجی.
وەزارەتوو وەرگیری تورکیچ دماو چالاکیەکەو گەریلای ئەرەیاۋنېوەش وەڵاکەردۆ و تەنیا ئاماژەش پانەی کەرڎ، کە یەرۍ سەروازېشا کوشیېنۍ و ٤ی تەرشا زامڎارۍ بیېنۍ.
