هامسەرۆکایەتی دەسەو ڕاوەبەری کەجەکەی مبارەکبایش جە فەرماندە و جەنگەوانا هەپەگەی و یەژاستاری کەرد، کە خواکورک و مەتینا و زاپەن ئۆپراسیۆنی شۆڕشگێڵنیشا ئەنجامدا و دژوو هجومە قڕکارییەکا دەوڵەتوو تورکی داواش کەردە گوڕ بە چالاکی و مدرامانی بڎریۆ.
هامسەرۆکایەتی دەسەو ڕاوەبەری کەجەکەی ئەرەیاۋناش، کە باڵادەسی گەریلاکاو ئازاڎیی کوردسانی جە ۋەران ۋەروو سوپاو تورکی ئەرەگیرینە سەلەمیان، هاموەخت داواش جە هێزەکاو پێشمەرگەی کەرڎ کە هەڵوێسوو پەدەکەی کە خزمەت بە کۊکوشی کەرۆ ، قبوڵ نەکەرا و چا یاگانە دوورۍ گناوە کە سوپاو تورکیش ئینا چنە.
پەیاموو هامسەرۆکایەتی دەسەو ڕاوەبەری کەجەکەی پی جۆرەنە:
"هێزەکاو پارېزنای گەلوو کوردسانی٢٢ و ٢٣ ۍ کانونوو یووەمی جە خواکورک، مەتینا و زاپەنە جە چوارچێوەو ئۆپراسیۆنی شۆڕشگێڵنینە چالاکیشا کەرڎ، گورزەی قورسەشا جە سوپاو دەوڵەتوو تورکی کۆلۆنیالیستی ئەرەگیری و قڕکەری شانا و زەرەری گیانی فرەشا پنەیاونا. بۊنەو ئا چالاکییە سەرکۊتاوە مبارەک بایی جە گرڎوو فەرماندە و جەنگەوانا هەپەگەی و یەژاستاری کەرمۍ و سڵامشا ۋنە کەرمۍ. بێگومان بڕۍ چا هامڕایا کە گەل، وڵات و ئازاڎییشا پارېزنا، چالاکیەکەشا سەروست و پاسشاکەرڎ کە دوژمنی ئەرەگیروو کۆلۆنیالیست و قڕکەر تووشوو شکسی بۆ، بە قارەمانی جەنگشا کەرد و گەشمەرڎۍ بیۍ. جە کەسایەتی هامڕایامانە کە جە خواکورک، مەتینا و زاپەنە جە چالاکی ئۆپراسیۆنوو شۆڕشگێڵنینە گەشمەرڎۍ بیۍ، گرڎوو گەشمەرڎا دیموکراسی و شۆڕشی جارێوەتەر بە رێز و پنەزانای فرۆ ویر مارمېوە و وەعدوو پابەندبیەی و سەرکۊتەی کە بە گەشمەرڎاما دان، واوەی کەرمېوە.
جارێوەتەر گەریلا بە قورسی سوپاو ئەرەگیریش ماڕا
جە دژوو هەڕەشا و هجومە سەردەستە فاشیستیەکا دوژمنوو کوردی، جە سەرسەعب، وېرەگا و شەوېنە گەریلا لووۍ سەروو سوپاو ئەرەگیری و گورزەشا ۋنە شانۍ. پا چالاکییا جارێوەتەر گەریلا بە قورسی سوپاو ئەرەگیریش ماڕا. گەلوو کوردسانی و گەریلاکاو ئازاڎیی کوردسانی حەجگیز دەسبەردارۍ وڵاتی ئازاڎی و ژیۋای ئازاڎیی مەبا، پۍ ئانەیچ دژوو گرڎ جۆرە هجوم و ئەرەگیریېوە تا ئاخر وېڕاگری مکەرا، شکس بە دوژمنی مارا و ئازاڎیی مسۆگەر کەرا. گەلوو کوردسانی تاکە یەک هەنگامیچ جە کۊشیای و مدرامانی پۍ دمای هۊرمەگېرۆ و پی جۆرە پاگیری و قەرارداری ۋېش سەلەمنا. گەریلا جە خواکورک، مەتینا و زاپ بە شێوېوە قورس سوپاو ئەرەگیریشا ماڕا و جارێوەتەر ئینەشا سەلەمناوە.
مشۊم پێشمەرگەکۍ هەڵوێستوو پەدەکەی قبوڵ نەکەرا کە خزمەت بە قڕکاری و جینۆسایدی کەرۆ
بێگومان جە چوارچێوەو ئۆپراسیۆنە شۆڕشگێڵنییەکانە چالاکییەکۍ گەریلای بەردەوامۍ با، ملاوە سەروو سوپاو ئەرەگیری و گورزەش ۋنەشانا. با گرڎ کەسۍ ئانەی بزانۆ و پاو ئانەیە جمۊوە. داخەم مەشۆ پەدەکە تا ئیسە چنی دەوڵەتوو تورکی هامکاریش کەرڎەن و پی جۆرە پەشتیوانی سوپاو ئەرەگیریش کەرڎەن. دەوڵەتوو تورکی پەشتی بە پەدەکەی بەسۆ و پی جۆرە حۊڵ مڎۆ پلانەکاو ۋېش پۍ هجومی و ئەرەگیری سەروو پانیشتوو کوردسانی جابەجێ کەرۆ. سەرەڕاو ئانەی چا مژارەنە فرەو جاری ئاگاڎیچ دریا، بەڵام پەدەکە دەسش چا هەڵوێسەو ۋېش هۊرنەگېرت. هەڵوێستێوە پا جۆرە خزمەتا بە قڕکەردەی کوردا و مایۍ قبوڵکەردەی نییا. مشۊم پێسمەرگەکېچ ئا هەڵوێستەیە قبوڵ نەکەرا. چېوە داوا کەرمۍ، با پێشمەرگەکۍ جە سەنگەرەکاو سوپاو تورکی دوورۍ گناوە، ۋېشا چاڎیشا دوور دارا.
دەوڵەتوو تورکی حۊڵ مڎۆ شکستوو ۋېش پەردەپۆش کەرۆ
دەوڵەتوو تورکی و دەسەڵاڎداری ئاکەپە-مەهەپەی فاشیستی شکستی گۊرەو ۋېشا مشاراوە. زیاتەر هجوم کەرا سەروو گەلوو کوردی، کۊکوشێ کەرا و پی جۆرە شکسوو ۋېشا پەردەپۆش کەرا. ئاشکرابی کە دەسەڵاڎدارا ئاکەپە-مەهەپەی فاشیستی جە ۋەران ۋەروو گەلوو کوردی و گەریلاکاو ئازاڎیی کوردسانینە شکسشا ئارڎەن. بەڵام ۋەروو ئانەی دەسبەرداروو مەخزی دوژمنکارانەیش مەبۆ ۋەران ۋەر بە کوردا، جە هجومی، ئەرەگیری و کۆکوشیەکاش پا گیری کەرۆ. چا چوارچێوەنە هجومەکاش پۍ سەروو ۋەرنیشتی زیاتەر کەرۆ. بە هجومەکاش پۍ سەروو گەلاو ۋەرنیشتی و سەرنیشتوو- ۋەرکەوتوو سوریای هەم حۊڵ مڎۆ شکسوو ۋېش شارۊوە، هەمیچ پلانەی ئەرەگیریەو ۋېش جابەجێ کەرۆ. جە هجومەکا دووە ڕۊی ۋیەردەینە چنڎین کەسۍ گیانشا جە دەسدان و ژمارېوە فرەیچ زامڎارۍ بیېنۍ. شۊنما و مەنتیقەو ئەرەنیشتەبیەو گەلی، کارگە و یاگۍ بەرهەمئاردەی بۆردومان کریۍ. ئا هجومۍ رووەی راستەقینۍ دەوڵەتوو تورکی ئەرەگیریشا جارێوەتەر نیشانەدا، دەمامکوو سەروو میاچەما دەسەڵاتوو ئاکەپە-مەهەپەیشا ماڵارە. جارێوەتەر ئەنە وینیا کە ئانۍ جە ۋەرنیشت کریا و ئانەی غەزەنە کریۆ پېسەنۍ یۊی، حیچ جیاوازیۍ نیا بەینشانە. دەوڵەتوو تورکی، دەسەڵاتوو ئاکەپە-مەهەپەی و تەیب ئەردۆغان بە کردەوەکاشا جە ۋەرنیشت، سەلمناشا جە پرسوو غەززەی و فەلەستینینە تا چ ڕادېوە دووە ڕووۍ و ساختەکارېنۍ.
گەلەکەمان مشۊم زیاتەر پەرە بە هەڵوێستوو مدرامانوو ۋېش بڎۆ
ئامانجوو دەوڵەتوو تورکی کۆلۆنیالیستی و قڕکەری ئانەن کە ۋەرنیشتی ئەرەگیر کەرۆ، ئاخېزوو ۋەرنیشتی پاکتاو کەرۆ و قەوارەو گەلوو کوردی دلېنە بەرۆ. ئامانجوو بنەڕەتی هجومەکا ئانەن. جە ۋەران ۋەروو ئانەیچەنە مشۆم گەلوو ۋەرنیشتی و گەلاو سەرنیشتوو- ۋەرکەوتوو سوریای هەڵوێسوو مدرامانوو ۋېشا زیاتەر پەرەپنەبڎا و بەردەوامۍ با. گەل و دۆساو کوردی مشۊم جە گرڎ شۊنېوەنە گوڕ بە چالاکی و مدرامانی بڎا، پەشتیوانی ۋېشا پۍ گەلوو ۋەرنیشتی و ئاخېزوو ۋەرنیشتی درێژە پنە بڎا".
