کەجەکە سەرمەشقۍ تەڤگەرو سۆسیالیسی تورکیای و ئەوەکۊشای ئازادی کوردەسانیش یاڎ ئاوردۍ کە مانگۊو ئایارینە گەشمەرڎۍ بیێنۍ و واتش: "مشۊم عالتەر حەقیقەتو گەشمەرڎا بشناسمۍ و خاوەنداری جە یاڎ کەردەیۊیشا بکەرمۍ. گەشمەرڎۍ وەشکەرۍ ئەوەکۊشای و نوێنەرۍ حەقەتینێمانۍ".
هامسەرۆکایەتی کۆنسەو ڕاوەبەری کەجەکەی پەی یاڎئاوردەیۆ گەشمەرڎا مانگۊو گوڵانی پەیامێوەش وەڵا کەرڎۆ.
پەیامەکەو کەجەکەی پی جۊرەنە:
مانگۊو گوڵانی مانگێوەنە کە کادرە سەرمەشقەکۍ تەڤگەرو سۆسیالیستی تورکیای و ئەوەکۊشای ئازادی کوردەسانی چنەشەنە گەشمەرڎۍ بیێنۍ. گوڵان مانگۊو گەشەمەرڎانە. جە سەرەتانە گەشمەرڎەو سەرەتاو ئەوەکۊشای ئازادی کوردەسانی حەقی کارەر کە هەمڕاو سەرەتایی ڕابەر ئاپۆی بۍ، وە ڕابەر پنەش واتەن 'حەقی کارەر ڕوحو منش ۋێشەنە هۊرگېرتەن'، سەرمەشقۍ گۊرۍ خەلیل چاڤگون، فەرهاد کورتای، نەجمی ئۆنەر، ئەشرەف ئەنیک و مەحموود زەنگین کە جە زینانو ئامەدینە جە دژو ستەمی ئېرشا جە بەڎەنوو ۋێشا ۋەردا و پېسە چوارینەی پڕێوە دلۍ تاریخو گەلەکەیما، گەلێوە شۆڕشگێڵنۍ گۊرۍ جە مانگۊو ئایارینە گەشمەرڎۍ بیۍ، جە کەسایەتی گرڎو ئا گەشمەرڎە گۊرانە گەشمەرڎۍ مانگۊو گوڵانی و جە کەسایەتیشانە گرڎو گەس=شمەرڎا شۆڕشی و دیموکراسی بە ڕێزداری و پنەزانایۆ یاڎۍ مکەرمېوە و جە ئاستو ویرئاردەیۆ بە قیمەتیشانە بە ڕێزدارییوە سەرەما منامنمێرە.
هەمڕا فواد-عەلی حەیدەر قەیتان و ڕەزا ئاڵتوون جە کاتی جیاوازەنە گەشمەرڎۍ بیۍ، هامشێوەو حەقی کارەری ئاڎێچ چا هەڤاڵانۍ کە هەر جە سەرەتاوە چنی ڕابەر ئاپۆی دەسشا پنەکەرڎ. ئەرەیاۋناو گەشمەرڎەبیەیشا جە مانگۊو گوڵانینە، یاڎکەردەیۆ ئېساڵو گەشمەرڎاشا ماناڎارتەر کەردەن. گەلەکەما جە هەر چوارپارچەو کوردەسانی و جبەرو وڵاتی بە جەم یاڎو هەمڕا فوادی و ڕەزا ئاڵتوونیشا کەرڎۆ، ئینە فرە ماناڎار و سەنگیینا.
جە مانگە و گوڵانینە جە تەڤگەرو سۆسیالیستو تورکیایچ کادرێ سەرمەشقێ کاریگەر و گەشمەرڏا بییەن؛ دەنیز گەزمیش، حوسەین ئینان، یوسف ئارسەلان کە جەلایەن جونتای فاشیستاوە (دەسەی ڕاوەبەردە و کودەتا) ی جە قەنارەدریێ و ئیبراهیم کایپاک‌کایە کە تامەردەی ئەشکەنجە دریان، جە مانگە و گوڵانینە گەشمەرڏێ بیێنێ. ئی هەمڕێ ئێژایا کە سەرمەشقایەتی تەڤگەرو سۆسیالیستو تورکیایشا کەردەن، هامکاتەنە شانبەشانو گەلوو تورکی سەرمەشقایەتیشا جە پێگە و ژیوای و ئەوەکۆشای هامبەشو گەلوو کوردیشا کەردەن و پەی ئی ئامانجەیە ئەوەکۆشایشا بەردەن ڕاوە. رابەر ئاپۆ فرە بە سەنگینی تەماشەو ئی ئەوەکۆشایشە بەردەوامی پنەدان و گۆرەتەرش کەردەن.
وەشکەرۍ ئەوەکۆشای و بەهاکاما گەشمەرڏەکێمانێ. بەپاو ئی حەقیقەتەیە، پەنەوازا فرە خاستەر حەقیقەتو گەشمەرڏا بشناسمێ و بەهێزتەر خاوەنداری جە یاڏوەرییەکاشا بکەرمێ، سەرو ئی بنەمێ پەی وەڵ وستەو ئەوەکۆشای ئازادی و گلێرگەی دیموکراتیکی زیاتەر پەرە بە هەوڵەکاما دەیمێنە. پەنەوازا گرڏ کەسێ پی ئامانج فرە زیاتەر چبەرو گەشمەرڏا گلێربۆوە و سەرو ئی بنەمێ بەهێزتەر خاوەنداری جە یاڏوستەیۆ گەشمەرڏا بکەرۆ. گەشمەرڏێ خوڵقێنەر و ئەوەکۆشای و نوێنەرێ حەقەتینێمانێ، گەشمەرڏێ مەمڏانە."
