کۆمیتەو گەلا و ئایینەکا کەجەکەی جە پەیامێۋەنە بۆنەو جەژنەو قوربانیوە داواش جە گرڎ کەسۍ کەرڎ کە پېسە گرڎو جەژنەکا سەردای قەبرسانو گەشمەرڎاو ۋېڕاگرا زینڎانی کەرا و چنی خانەۋاڎەکا و ئاڎیشا یۊگېرا.

ئەرەیاۋناکەو کۆمیتەو گەلا و ئایینەکا کەجەکەی پی جۊرەنە:

"ئێمە پېسە جمیەری جەژنەو قوربانی جە گەلا موسڵمانی مبارەک کەرمۍ و هومېڎەوارېنمۍ کە ئی جەژنۍ بۊ بە مایەو ئاشتی، ئارامی و داڎپەروەری پۍ گەلا ۋەرکەوتوو میامینی و گرڎو جەهانی ئیسلامی. هومېڎەوارېنمۍ کە ئینە بۊ بە مەڵامەتو بەقوەتکەرڎەی دۆسایەتی، برایەتی، یۊگېرتەی و هامبەشی جە بەینو گەلانە و گوڕدای بە کۊشیای دیموکراسی و ئازاڎی.

جەژنە ئا ڕۋەنە کە ناڕەحەتی و دڵئێشنای نمازۊ، ئاشتی مېنە ئاراوە، یۊگېرتەی و پاڵپەشتی بەقوەت ۋەڵۍ گنۊ. جە هەمان وەختەنە جەژنە کولتورو کۊشیان جە دژوو ستەمی و ئا دۋەڕوا کە یاسا مەشناسا، ۋێنا کەرۊ. بۊنەو ئی جەژنېوە، جە دژوو هجومە قڕکەرییەکا، تاڵان و کۊکوشی سەنتەرزی تورک-ئیسلام ئێمە داوا جە گرڎوو گەلا خۊتان ویژدانی ۋەرکەوتوو میامینی بەتایبەتی ۋڵاڎپارێزا کورڎی، رۆشنۋیرا، عەرەب و تورکی، نۋیسەرا، هونەرمەنڎا و سیاسەڎمەدارا کەرمۍ کە پەی ئاشتی و یۊگېرتەیی گەلا کۊشیانە.

سەنتەزی تورک-ئیسلام دوژمنایەتی گەلا و ئایینەکا و ژەنا کەرۊ

موسڵمانا ڕېزدارو کورڎسانی، تورکیای و ۋەرکەوتوو میامینی!

جەژنەو قوربانی ئا ڕۋەنە کە بەمەڵامەتشۊ قوربانیکەرڎەی ئینسانەکا قەڎەغەکریا. سەرەڕاو ئانەیچ بەنامۍ ئیسلامیۊ جە جوگرافیېۋەنە کە گلېرگاکۍ موسڵمانا چنەشەنە مژیۋا گرڎ ڕۋۍ دەیان کەسۍ کوشیا. زارۊڵۍ وەرەن ڕوو ئەشکەنجەی و دەسدرێژی کریاوە، ژەنۍ کوشیا، گرڎ ڕۋۍ دەیان ژەنۍ کوشیا. گەلا مسوڵمانی بە مەڵامەتو سیاسەتو دەوڵەت نەتەوەی و حکومەتە فاشیستیەکاوە وەرەن ڕوو قۊرتۍ قورسی باوە. ئەقڵیەت و سیاسەتو سەنتەزی تورک-ئیسلامی تەنیا پەی بە دیئاماو حەزەکاشا پۍ دەسەڵاتی گرڎ ڕۋۍ ڕا وەرڎەمو کوشتەو دەیان ئینسانانە کەراوە و تاڵانکاری و کاولکاری ژیۋگەیی، قۊرتەکا هەرېمەکەی زیاتەر گۊرەو قوڵ مکەراوە.

سیاسەتو کۆلۆنیالیست و قڕکەرڎەو ئەقڵیەتی ئیسلامی دەسەڵاڎداری تورکی، پۍ گەلوو کورڎی کە یۊن جە کۆنتەرین گەلا ۋەرکەوتوو میامینی، بېجگە جە کاولکاری، تاڵان، جینۆساید، ئەشکەنجە و گۆشەگیری و هەژاری حیچ مانېۋە تەرش نەبیەن. ئەقڵیەتو سەنتەزی تورک-ئیسلامی دوژمنایەتی گەلا، ئایینەکا، ژەنا و گرڎو گلېرگەکان. پېسە ئانەی جە ئەنجامەکا هۊرۊچنیەکا ٢٠٢٣ېنە بەرکۊت، ئیسلامو تورکی پۍ دەسەڵاتی و مەسڵەحەتو ۋېش خوڎا، قورئان و سونەتی بە بۍ حیچ دۋە دڵیێۋە بە کارمارۊ. چی روانگۊ ئا موسڵمانۍ کە راسیەکا ۋینا مشۊم بزانا کە حەتا موسڵمانۍ جە خەتەو پېغەمبەرو ئیسلامینە حەزرەتو محمەڎی ' د.خ'سەربۊ جە دژوو ئیسلامێتی نەتەوەپەرسی جەنگ نەکەرا، حیچ پەرسشېوەشا مەیاۋۊنە مانا مبارەکەکېش. ۋەرو ئا مەڵامەتا گەرەکمانە ئەرەیاۋنمېش کە کۊشیای مسوڵمانا تورکی جە دژوو سیاسەتەکا ئاکەپە-مەهەپەی ئنڎەو پەرسای خێرەنە. قەناعەتما پاسەن کە ئەرکو یۋەمو مسوڵمانا خۊتان ویژدانو تورکیای و کورڎسانی ئانەن کە نەبا بە لایەنگرو ئا گرڎو گوناح و تاوانا بە نامۍ ئیسلامیوە کریا. پی بۊنۊ داوا جە کورڎی و تورکە خۊتان ویژدانەکا و مسوڵمانا گەلا تەری کەرمۍ کە پۍ دیموکراتیکبیەی تورکیای، رزگاری گەلا ۋەرکەوتوو میامینی و کورڎا و پێکئاماکا ئاخېزو ۋەرکەوتوو میامینی جە دژوو فاشیزمی و ئەوە چەوسیای ئایینەکا کۊشیانە. بەتایبەتی مەبۊ کەس بلۊ دلۍ مزگیەکا سەربە ئەوقافی پېسە حەزرەتو محەمەڎی فەرماۊ کە 'گرڎ یاگۍ سەر زەمینی مزگیا' جوڵیاوە. گەرەکمانە ئانەی وزمۍ ڕووە کە گرڎو هەڵۋێس و جموجوڵەکا کە پەشتیوانی جە رژێمو ئاکەپە-مەهەپەی کەرا، دژوو ئیسلامو محەمەڎینۍ ' ڕ.خ'سەربۊ. قەناعەتما چانەن کە کۊشیای جە دژوو سیاسەتەکا فاشستی رژێمو ئاکەپە-مەهەپەی ئنڎەو پەرسشی و خوڎاپەرسی  و ئنڎەو قوربانی خېرەش هەنە و جە دەفتەرو کردەوەکانە پا جۆرە منۋیسیۊ.

'جە دژوو فاشیزمو تورکی بانگەواز پۍ کۊشیای کەرمۍ'

گەلی موسڵمانی بەنرخ، جە هجومو ئی دماییەو سەرو ۋەرنیشتوو کورڎسانینە جارێوەتەر ئاشکرا بی کە رژێمو ئیسلامی دەسەڵاڎداری تورکی کە بە نەتەوە پەرسی بارگاوییا، قڕکەر و کۊکوشکارا. بنەڕەتو و پێکئاماو دەوڵەتەکەی سەنتەزی تورک- ئیسلام تەنیا ئامانجش جە هجومەکا سەرو ۋەرنیشتی دلېنەبەرڎەو دەسکۊتەکا کورڎان. ۋېڕاوەبەریش کەرڎەن ئامانج و هجوم کەرۊنە سەرو ئیراڎەو کورڎی ئازاڎی. بە تایبەتی بە کەرڎەی ئامانجو ژەنا، پشووکوڵیش وەران ۋەر بە ئاخېزو ۋەرنیشتی بە سەرمەشقی ژەنا، ۋەڵۍ وزیان، نیشانە مڎۊ.  ئەقڵیەتو دەسەڵاڎداری پیای-ئیسلامی دەوڵەتو تورکی ژەنا تەنیا پېسە بونەوەرێوە سېبەرۍ منیۊرە. ئا ئەقڵیەتەی کە دەسەڵاڎداری، نەتەوەپەرسی، دماکەوتەیی و دینداری سەپنۊنە، هجوم کەرۊنە سەرو مېڎانەکا ژەنۍ و خەباتو ژەنا و گەرەکشا ژەنا پەلکێشو تاریکی کەرۊ. دژو ئا ئەقڵیەتە تاریکەیە وەڵۍ گرڎیۊ ژەنا مسوڵمانی، ئێمە داوا جە گرڎوو ژەنا باوەڕمەنڎی کەرمۍ، بۊنەو ئی جەژنېوە جە کۊشیای ئازاڎیی و دیموکراسینە جە دژوو فاشیزمی تورکی جە مېڎانەکانە کۊشش کەرا. کورڎسانیا ئازیزی، پېسە گرڎ جەژنېوە چی جەژنېچەنە داوا کەرمۍ کە سەردای قەبرسان و زیارەتگاو گەشمەرڎا کەرڎۍ و جە دوعا خێرەکاتا بێبەششا مەکەرڎۍ. بەتایبەتی سەردای هامڕا زینڎانیەکاما و پەشتیوانی خانەواڎەکاشا جە پەنەوازی کولتورو جەژنېن. ئێمە بە گرنگیوە ئەرەیاۋنمېش کە خێر و هامکاریېۋە کە شمە کەرڎېش، دەیدېش پا کەس و رێکوزیایا کە ئا هامکاریا میاۋنا بە ئا کورڎسانیای کە پنەوازشا پنەش هەن و حەرپاسە مەنتیقە بومەلەرزە ۋنەدریایەکا. گەرەکمانە ۋیرش بارمېوە کە ئا هامکاری و خێرۍ بیاۋا بە دەوڵەتو تورکی فاشیستی و ئا رێکوزیۍ کە پەیوەنڎیشا هەن پۊشاوە جە لاو حەقیوە قبوڵ مەکریا.

پېسە جمیەرو ئازاڎیی کورڎسانی، پا هەست و ۋیرکەرڎەیۊ جەژنەو قوربانی جە موسڵمانا کورڎسانی، گەلا ۋەرکەوتوو میامینی و گرڎو جەهانو ئیسلامی مبارەک کەرمۍ. داوا جە گەلاما کەرمۍ کە جە دژوو دەوڵەتو تورکی کۆکوشکاری و نکۆڵیکاری زیاتەر کۊشیانە و پەی ئانەی گرڎو جەژنەکا ئاینڎەی بە گیانو یۊبیەی دیموکراتیکی گەلا پیرۆز کریا، با بەشڎاری جە کۊشیاینە کەرا. بۆنەو ئی جەژنېوە جە کەسایەتی گەشمەرڎا شکۆمەنڎو زاپ، مەتینای و ئاڤاشینینە گرڎو گەشمەرڎا کۊشیای ئازاڎیی کورڎسانی، بە ۋەشەویسی، رێز و پنەزانایۊ ۋیر مارمېوە. وەفاڎاری ۋېما واوەی کەرمېوە و وەعد مڎەیمۍ کە ئەرەکۊشای بە سەرکۊتەی تاجدار کەرمۍ".

هـ . ش