هامسەرۊکایەتی دەسەی ۋېڕاوەبەری کەجەکەی ئەرەیاۋناش، مەرحەلەو مرڎناو چالاکیەکاشا کە دماو بومەلەرزەکەو ٦و شوباتیوە ئەرەیاۋنابۍ و جە ماوەو هۊرچنەیەکایچەنە درێژشا کەرڎەبېوە، بە مەڵامەتو هجومەکا دەوڵەتو تورکیایوە دمایی پنەئارڎەن.
هامسەرۊکایەتی دەسەی ۋېڕاوەبەری کەجەکەی جە بارەو هجومەکا پاکتاو کەرڎەی و ئەسڕیەیۊ سەرو جمیەرەکەیما و گەلوو کورڎی یاۋنەریېۋەش ۋەڵا کەرڎۊ:
یاۋنەریەکە پی جۊرەنە:
"پېسە مزانیۊ جە ٦و شوباتو ٢٠٢٣ېنە جە ئەلبیستان و بازارجخ دوۋۍ بومەلەرزۍ بەقوەتۍ روۋەشادا. دماو ئانەی زاناما کە زەرەرو ۋنەکەوتەکۍ بومەلەرزەکەی فرە دژوارېنۍ، پېسە جمیەری وەرپەرسیاری ئەخلاقی و مرۆیی ۋېما جابەجۍ کەرڎ و قەرارما دابۍ حەتا ئا ئاژە دژوارە مرۆییە دمایش مۍ، چالاکییەکاما مرڎنمۍ، ئێمە ئا قەرارما پۍ رای گرڎی ۋەڵاکەرڎۊ. داواما جە گرڎو هێزەکاما، حەرپاسە هێزە شۆڕشگێڵە دیموکراتیکەکا جە جبەرو ۋېما کەرڎەبۍ کە وەرو هەمان مەڵامەتی بەتایبەتی جە شارەکانە چالاکی نەکەرا. هێزەکۍ پارېزنای گەلیما چا چوارچێوەنە یاۋنەریشا پۍ رای گرڎی ۋەڵاکەرڎۊ و ئەرەیاۋناشا، کە ئاڎۍ چالاکییەکاشا مرڎنا، چی مەرحەلەنە بېجگە جە ۋېپارېزنای جە وەران وەر بە هجومەکانە ئاڎۍ چالاکی ئەنجام مەڎا. هەپەگە و یەکینە سەروازییەکېما گرڎشا بە پاو ئا قەرارەو جمیەرەکەیما جمېۋە.
جە وەختېنە کە هەڵای کاریگەری دژوارو بومەلەرزەکەی ئارانە بۍ، تورکیا پاش نیا پرۊسەو هۊرچنیەکاوە. چی هۊرچنیەنە کە هەم گەلوو کورڎی و هەمیچ گلېرگە و تورکیای بە گرنگش نیېنێرە، پۍ ئانەی دەرفەت و ئاژاوەگێڵی پۍ دەسەڵاتو ئاکەپە-مەهەپەی فاشیستی نەرەخسیۊ و جە هۊرچنیەکانە ئەنجامێوە جە مەسڵەحەت و گەلا و هێزە دیموکراتیکەکانە بەدەسبۍ، ئێمە هەڵۋێسېوە پا جۊرەما گرتەنەوەر کە تا دماو هۊرچنیەکا قەرارو مرڎناو چالاکی درێژکەرمېوە و ئا قەرارەیچما پۍ رای گرڎی ۋەڵاکەرڎۊ. بێگومان پېسە جمیەرەکەیما ئارەزومەنڎۍ چارەسەری سیاسیی دیموکراتیکی پەرسو کورڎی و دیموکراتیکبیەو تورکیاینمۍ، پەی ئانەیچ کۊشش کەرمۍ. حەر پۊکەی ئی هەڵۋێسەما جە هەمان وەختەنە پاڵپەشتی بۍ پۍ سیاسەتی و پرۊسەی سیاسی.
بە دڵنیاییوە گەلەکەما و ۋڵاڎپارێزا و رێکوزیا کورڎییە دیموکراتیکە دۊسەکېما و فرەو کەسایەتی و هێزۍ دیموکراسی جە تورکیا و فرەو هێز و ئەرەمەرزیاکا سەرو ئاستی میان نەتەوەیی و هەرێمی و رای گرڎی دیموکراتیکی ئا قەرارەو ئېمەشا بە ئەرێنی هۊرسنگنا و پەشتیوانیشا ۋنەکەرڎ. بەڵام دەوڵەتو تورکی و دەسەڵاڎداری ئاکەپە-مەهەپەی هجومەکۍ ۋېشا بەمەبەسو ئەرەگیرکەرڎەی، پاکتاوی و کۊکوشکەرڎەی زیاتەرۍ کەرڎۍ و ئا قەرارەو ئېمەشا دلېنەبەرڎ. دەسەڵاڎداری ئاکەپە-مەهەپەی فاشیستی چا ماوەنە پۍ لەحزېوەیچ هجومەکېشا نەمرڎنۍ، هجومشا کەرڎ سەرو مېڎانەکا گەریلای، چەکی قەڎەغە کریاشا بەکارئارڎ. بېجگە جە مېڎانەکا گەریلایچ هجوم و کۊکوژیچش سەرو کورڎا جە پانیشت، شەنگال، مەخمور و ۋەرنیشت درێژە پنەدا. جە تورکیای و سەرنیشتوو کورڎسانیچ هجومەکېش پۍ سەرو گەلی و سیاسەتی دیموکراتیکی زیاتەر کەرڎۍ. گۆشەگیری سەرو رابەر ئاپۆی بە شێۋېوە دژوار وەردەوامبۍ. بە پوختی دەسەڵاڎداری ئاکەپە-مەهەپەی فاشیستی جە چوارچێوەو کۆنسێپتی پاکتاو و کۆکوژینە هجومەکېش پۍ سەرو جمیەرەکەیما و گەلەکەیما زیاتەر کەرڎۍ و گۆشەگیریش سەرو رابەر ئاپۆی زیاتەر قورس کەرڎ. گەریلا چا ماوەنە سەرەڕاو هجومە فرەکاو سوپاو تورکیچ بە پاو قەرارو جمیەرەکەیما جماوە، بەڵام هجومەکۍ دەسەڵاڎداری ئاکەپە-مەهەپەی ئا قەرارەو ئېمەش بۍ مانا کەرڎ. جە وەران ۋەرو ئا هەڵۋێسەو ئێمەنە کە بە ماناو پاڵپەشتیین جە پرۊسەی سیاسی، ویژدانی و مرۆیی، ئۆپۆزسیۊن جە تورکیایچ مامەڵېوە پا جۊرەشە نەرمانا کە جواب و هەڵۋێسەکەیما بڎۊوە، وەردەوامبۍ سەرو مامەڵەو نەتەوەپەرسانە و ۋېش و جیا جیایش جە بەینو ۋېش و دەسەڵاتینە نیشانە نەڎا.
بە پاو وەرپرسیاری ئەخلاقی و مرۆیی، حەرپاسە پۍ ڕاگری جە ئاژاوەگێڵیی جە وەختو هۊرچنیەکانە، بە مەبەسو حېقم کەرڎەی کایەی سیاسی ئێمە ئا قەرارما دابۍ. بەڵام سەربارو ئا قەراریچە زیاتەر جە چوۋار مانگان هجوم و کۆکوژی سەرو هێزەکاما و گەلەکەیما زیاتەرۍ بیۍ و درێژەشا پنەدریا، گۆشەگیری سەرو رابەر ئاپۆی زیاتەر قورس کریا. جە سلێمانی بە کوشتەی هامڕایما باران ئاڤرێل ئشناسیا بە (حسێن ئاراسان)ی ئاشکرا بی کە فاشیزمو ئاکەپە-مەهەپەی جە دژوو جمیەرەکەیما و گەلەکەیما دەسش بە شەپۆلێوە تازەو هجومی کەرڎەن. پێۋیسا کە دژوو ئا شەپۆلۍ جە هجومی فاشیستی جە گرڎ یاگېوەنە کۊشیای چالاک ڕاوەبەر کریۊ و گورزۍ قورسۍ ئەو دوژمنی شنیا. وەرو گرڎو ئا مەڵامەتا، ئێمە ئەرەیاۋنمېش جە ئارۊی بەدماوە دمایی بە قەرارو مرڎناو چالاکی مڎەیمۍ.
گرڎ کەسێوە بە شێۋېوە عالتەر ئانەش ۋینا کە حەتا فاشیزمی ئاکەپە-مەهەپەی نەوڕۊ حیچ وەڵېکۊتەیۍ نمېنە ئاراوە. سەرو بنەماو ئا راسیە بانگەواز ئاراسەو گەلەکەیما و هێزە دیموکراتیک و شۆڕشگێڵەکا و گرڎ لایۍ کەرمۍ کە جە دژوو دەسەڵاتو ئاکەپە-مەهەپەی فاشیستی زیاتەر گوڕ بە کۊشیای بڎا".
هـ . ش
