کۊما جڤاکێن کورڎسان (کەجەکە) بە بۊنەو کەوتەیوە ئاویرەکەو قەزاو سۊرانیوە پەیامێوە سەرەوەشییش وەڵا کەرڎۊ و ئەرەیاوناش: " ئی ڕووەدایە پێسە گردوو خەڵکوو کورڎسانی، ئێمەیچش دڵنیگەرانۍ و خەفەتبارۍ کەردیمێ".
پەیامێوەنە بۊنەو ڕووەدای ئاویرەکەو قەزاو سۊرانوو پانیشتوو کورڎسانیوە، کەجەکە ئەرەیاونانش: "بە داخێوە فرێوە ڕووەداێوە جەرگبڕ و پەڕ جە سۊو ئاویری قەزاو سۊرانینە پۊلێوە هامنیشتمانیۍ خەڵکوو پانیشتی، وەرکەوت و وەرنیشتوو کورڎسانی و هەرپاسە خەڵکوو عێراقی گیانشا جەدەس دا و ژمارێوەیچ بریندارۍ بیێ".
کەجەکە ئەرەیاونانیچش: " ئی ڕووەدایە پێسە گردوو خەڵکوو کورڎسانی ئێمەیچش دڵنیگەرانۍ و خەفەتبارۍ کەردیمۍ پی بۊنە خەمناکەوە پەرسە و سەرەوەشی و هامخەمیی وێما ئاڕاستەو خەڵکوو کورڎسانی و بەتایبەتی کەسوکار و بنەیانەو قوربانییاو ئی ڕووەدایە دڵتەزێنەیە کەرمۍ و هومێدوو خاسبیەیوە و تەندروسی پەی بریندارەکا موازمۍ."
ئاخروو پەیامەکەو کەجەکەینە ئامان: " جە خودای گەورەی داواکارێنمۍ ڕۊحوو کۊچکەردا بە بەهەشتی بەرینی شاد کەرۊ و دڵنەوایی و سەبووری بە شمەی بەڕێزیچ بەخشۊ" .
سەعات ٠٨:٠٠وو شەوەو جومعەی هەشتوو کانوونوو یوەم/ دیسەمبری ڕووەداێوە کی ئاویرکەوتەیۊ باڵایانێوە ئەرەنیشتەینە ناوەندو قەزاو سۊرانینە ڕووەش دا و١٤ کەسۍ کە وانیارۍ بێنۍ و مامۊسۍ زانکۊی گیانشا جەدەس دا و چند کەسۍ تەرێچ بریندارۍ بیۍ.
