٣٣ مانگێن هیچ هەواڵ و زانیاریێوە جە ڕابەروو گەلوو کوردی عەبدوڵا ئۊجالانیوە وەردەس نییا، کە ٢٥ ساڵێن جە زیندانوو ئیمراڵیینە کریان زیندان. مافوو دیداروو ئادی چەنی بنەیانە و پارێزنەرا زەوت کریان. پەی ماڕای گۊشەگیری و مسۊگەرکەردەی ئازادیی جەستەیی ڕابەروو گەلوو کوردی عەبدوڵا ئۊجالانی ١٠ تشرینوو یوەمی/ ئۊکتۊبەری هەڵمەتەو "ئازادیی پەی ئۊجالانی و چارەسەری سیاسی پەی پرسەو کوردی " دەس پەنە کریا. بەروستەی پەشتیوانی پەی هەڵمەتەک ۍ بەردەواما.

'گۊشەگیری مای ۍ قبووڵکەردەی نییا'

ئەنداموو فراکسیۊنوو چەپی خولی وەڵینوو پەرلەمانوو ئەورووپاینە یورگن کلوت قسێوەشنە پەی ئاژانسوو هەواڵوو فورات (ANF)ی باسوو ئانەیش کەرد، کە گۊشەگیرکەردەی عەبدوڵا ئۊجالانی مای ۍ قبووڵکەردەی نییەنە. کلوت ئانەیچش وست ڕووە، ئا گۊشەگیرییە پاشێلکەردەی یاسا میاننەتەوەییەکا و مافەکاو ئینسانین و واتش، "مافێوە فرە ئاسایین، کە عەبدوڵا ئۊجالان چەنی بنەیانەی و پارێزنەراش دیدار کەرۊ. بە بڕواو من ئا هەلومەرجە ئۊجالانش چەنەن مای ۍ قبووڵکەردەی نییا. فرە ئاشکران، کە ئا دۊخە پاشێلکەردەی پیمانە میاننەتەوەییەکان".

'ئۊجالان سەلەمناش، کە لایەنگێروو چارەسەری سیاسیین'

سیاسەتمەداری ئەڵمانی یورگن کلوت، کە پەشتیوانی وەنەو هەڵمەتەو "ئازادیی پەی ئۊجالانی و چارەسەری سیاسیی پەی بۊ پەرسەو کوردی" کەرۊ، پێسە بەرەوام بی، "مشۊم هەلومەرجوو ئیسات ۍ ئۊجالانی فاڕیۊ.جە دیای منۊ تایبەتمەندیێوە تەر، کە مشۊم ئینسان هانیش ڤدۊ و پەشتیش گێرۊ، دەسپەنەکەردەیوە پڕۊسەو ئاشتیین، کە ئۊجالانیچ دلێشەنە بەشدارا. ئۊجالان ساڵەو ٢٠١٣ سیاسەتوو مدرامانی چەکدارییش فاڕاوە پەی چارەسەری سیاسی و پێسەش بە ئێمە نیشانەدا، کە بەڕاسییچ لایەنگێروو ئاشتیین. پەوکای ئجۊم کە مشۊم پەرلەمانوو ئەورووپای، نەتەوە یۊگێرتەک ۍ و ئەنجوومەنوو ئەورووپای، سیاسەتمەدار ۍ و ڕێکوزیا میاننەتەوەییەک ۍ پەشتیوانی وەنەو ئۊجالانی کەرا. ئەرەجیۊم تا جەنگ دژوو کوردا دماییش پەنە باریۊ و پڕۊسەو ئاشتی دەسەبەر بۊ ئانە بۊ بە هەنگامێوە گرنگە".

'ئازادیی ئۊجالانی جە چارەسەروو پەرسەو کوردینە گرنگا'

کلوت وستیچش ڕووە، کە ئازادیی عەبدوڵا ئۊجالانی بۊ بە بنەمێوە پەی چارەسەروو پەرسەو کوردی و واتش، "ئازادیی ئۊجالانی پەی ئاشتیێوە هەمیشەیی، سەروو ڕێبازوو چارەسەری سیاسیی گردینی، درێژخواین و بەردەواما، بۊ بە هەنگامێوە گرنگە. ئازادیی ئۊجالانی هەمان وەختەنە پەی وەرگێربییەیوە تەنگوچەڵەمە جیاجیایا بۊ بە بناغێوە. بە بڕواو من ئانە پەی گرد کەسی پێویسا و مشۊم سیاسەتمەداراو ئەورووپایچ بەهەند ورش گێرا، پەی ئەرەمردنای جەنگی و وێستەیوە ڕاچارەی و مسۊگەرکەردەی ئازادیی ئۊجالانی مشۊم فشار وزیۊ سەروو تورکیای، بە بڕواو من ئانە پێویسیێوەن".

'مشۊم یۊبییەی ئەورووپای وەراوەروو تاوانەکاو جەنگوو تورکیاوە بێدەنگ نەبۊ'

ئەندامی وەڵینوو پەرلەمانوو ئەورووپای یورگن کلوت هەڵوێستوو ئەورووپایش وەراوەروو هجوومەکاو دەوڵەتوو تورکیوە پەی سەروو وەرنیشتی ورسەنگن ۍ و واتش، "هجوومەکاو سەروو وەرنیشتی پاشێلکەردەی یاسا میاننەتەوەییەکانێ. ئاشکران، کە هجوومەک ۍ پەی سەروو چێرخانی ئابووری و کەسە مەدەنییا دژوو بەها یاساییەکانێ. ئەگەر ئێمە گلەی ۍ ئانەیە کەرم ۍ، کە ڕووسیا ئۊکرانیانە تاوانوو جەنگی کەرۊ، یان ۍ مشۊم هەمان نیگەرانی پێوەس بە تورکیایچ وزم ۍ ڕووە، کە وەرنیشتنە وەراوەرووخەڵکاو ئاگەی بەتایبەتی دژوو کوردا هەمان تاوانوو جەنگی کەرۊ. مشۊم تورکیا بدریۊ وەروو ڕەخنەی تا ناچار بۊ ڕێز جە یاسا میاننەتەوەیەکا گێرۊ و فشار وزیۊ سەرش، کە هجومەکاو سەروو وەرنیشتی مردنۊ".