کۊمیتەی ئیکۊلۊجی کەجەکەی ئەرەیاۋناش: "وەختو ئانەین کە ئێمە جە سنوقەکانە پەرە بەکۊشیای ۋێما بڎەیمۍ پەی ئیکۊلۊجی کۊمەڵایەتی و پێرسپێکتیڤی ئیکۊلۊجی و دیموکراتیکی. دەنگ مڎەیمۍ بە پارتو چەپی سەوزی".
کۊمیتەی ئیکۊلۊجی کەجەکەی سەبارەڎ بە ھورچنیەو ١٤و ئایاری ئەرەیاۋنېوەش ۋەڵاکەرڎۊ.
کۊمیتەی ئیکۊلۊجی کەجەکەی ئەرەیاۋناش: "جە مەرحەلەو ھورچنیەینە وێرانکەرڎەو ئیکۊلۊجی تورکیای و کورڎسانی وەردەواما. فاشیزمی ئاکەپە- مەهەپەی ژیوگەی سروشتیش پۍ کۊمپانیاکا وزەی و وەرھەمئارڎەو خانوبەرەی کەرڎەنۊ و پانەیچ تاڵانی و دزی زیاڎش کەرڎەن. دماو بوومەلەرزەکەو ٦و شوباتیۊ داروپەرڎو یانە وڕاکاشا جە ژیوگەنە ۋەڵاکەرڎەنۊ و پانەیچ پاکتاوکاری زیاڎ بیەن. فاشیزمی ئاکەپە- مەهەپە جە ڕاو تاڵانکەرڎەو ژیوگەیۊ حۊل مڎۊ کولفەو جەنگی و ھورچنیەی جە کورڎسانەنە حاصڵ کەرۊ. جە کەشوجودیۊ حەتا کەشەکا کازۍ، جە ئیکزدەرۊ حەتا ئاککویو گرڎو جوگرافیاکەیش پۍ مەسڵەحەتو کۊمپانیاکا وزەی و یانەکەرڎەیۊ چەمچنۊکی تەرخان کەرڎەن.
جە وەختېنە کارەساتەکۍ هیرۊشیمای و چێرنۊبیلی ھەڵای جە یاڎ نەکریېنۍ، زاناکۍ فاشیزمی ئاکەپە-مەهەپەی و پوتین کە چی مەرحەلەنە تەنیا پەشتیوانشانە، سەرەڕاو گرڎو ۋېڕاگریە درێژمەوداکایچ ۋێستگەو ئەتۊمی ئاککۊی پېسە وەرھەمئارڎەو ھورچنیەی نمایش کەرا. پۍ کارەساتو چێرنۊبیلی جە بەحرو چەرمەینە ئاماڎەکاری کریۊ. زاناکۍ و جمیەرە ئیکۊلۊجیەکۍ باس چانەی کەرا کە جە مەیڎانو ویستگەو تێرمیکی ئەتۊمی ئاککۊی کەوتەن ھەرمانە و سەرنج پۍ ئا راسیە کېشانە.
حەرچنڎە فاشیزمی ئاکەپە-مەهەپەی جەنگی پاکتاوکاریش جە دژوو گەلوو کورڎسانی دەسپنەکەرڎەنو دژوارتەریچش کەرۊ، دەوڵەتوو تورکی بە مەڵامەتو مدرامانو گەریلاکاوە ئا ئەنجامەی کە گەرەکش بۍ بەدەسش نارڎەن. ۋەرو ئانەی گەرەکشا جەنگو ۋېش کە بە مەبلەغۍ فرۊ، بە بۍ ئانەی حیچ یاسا و بنەمېوە ئەخلاقی بشناسۊ، دلېنەبەردةو گرڎو ژیوگەو ۋڵاتی درێژە پنە دۊ. جە ڕاو پرۊژەو رانتی و بەرتیلی کە چېرو نامۍ "سیستمو وزەو وەرەتاوی" جە جوگرافیاو کورڎسانینە ۋەڵېش وزۊ، کشتوکاڵ و ئاژەڵداری دلېنە بەرۊ.
جە کۊنفڕانسو جمیەرە ئیکۊلۊژیەکانە کە جە ٢١و کانونی دووەمو ٢٠٢٣ جە ئیستەنبوڵ سازکریا ۋەرو ئانەی ئا راسیە ماۋېوە فرە چېوەڵتەر ۋینیۍ، بە بەربڕیەو " هەڵۋێسو ئێمە جە ھورچنیەینە پەی ئیکۊلۊجین" هەڵۋێسېوە هامبەش نیشانەدریا.
ۋەرو ئانەی ئێمە ئینایمۍ ئاژېوە چانەنە جە ۋەران وەرو قڕکەرڎەو ژیوگەینە ئێمە پایېما وستېنۍ سەردەمێوە پی جۊرۊ مشۊ ئا قەرارەما جە ھورچنیەکانە وزمۍ بوارو جا بەجۍ کەرڎەیۊ.
چی وەختەنە مشۊ ئێمە هەڵۋێسما پەی دیموکراسی، ئیکۊلۊجی و ئازاڎیی ژەنۍ بەکاربارمۍ.
وەختو ئانەیچ ئامان کە جە دژوو دەسەڵاڎداری فاشیستی، دیکتاتۊری کە ژیوگە و گەلا چەوەسنۊوە دلۍ گەلیمانە هانو نەژاڎپەرسی، نەتەوەپەرسی و چەتەگەری مڎۊ و گەرەکشا جە ڕاو باڵادەسیۊ درێژە بە مەنەیۊ ۋېش بڎۊ، سەرو سنوقەکا دەنگدایۊ ئیراڎەو ئازاڎی و کولتوری دیموکراتیکی گەلا ئاشکرا کریۊ.
ئێمەیچ پېسە قسەکۍ ئیبراهیم ئۊرۊچی کە ساڵەو ٢٠١١ ی جە ۋەختو رڤیتۊکەرڎەو ھورچنیەینە جە لایەنو پۊلیسەکا ئاکەپەیۊ کوشیابۍ ماچمۍ، "تەۋەنی پۍ ئاکەپەی، دەنگ پۍ پارتو چەپی سەوزی".
هـ . ش
