بنەیانەو سیاسەتمەداروو کورڎی "کەنعان ئایاز" و نوێنەراو ناوەنڎوو کولتووروو کورڎی "تئۊفیلۊس" بە مەبەستوو سازدای دیڎاری سەرۍ زینڎانوو نیکۊسیایشا دا.

ڕاوەبەراو زینڎانەکەی ئەرەیاوناشا، بۊنەو ئانەیۊ سیاسەتمەدار ئایاز مانش گێرتەن جە وارڎەی، ڕا مەدریۊ وینیۊ.

نوێنەراو کورڎی کە لوۍ سەرڎایش باسشا چانەیە کەرڎ، کە چا ڕووەوە سیاسەتمەدار ئایاز مانش جە وارڎەی گێرتەن، تا ئیساتۍ زانیارییشا جە بارەوە نییا.

جە ئەرەیاوناکەینە کە وەڵا کریاوە، پڕچنای پەیوەنڎییەکا پێسە کرڎەوەکاو دەوڵەتوو تورکی فاشیستی وورێشەنگنیۍ و پێسە باسۍ کریێنۍ، "دەوڵەتوو قوبرسی نەک حەر تەنیا داواکارییەکاو دەوڵەتوو تورکی فاشیستی بەگۊش کەرۊ، بەڵکوم جە هەمان وەختنە دەسش بە هامبەشی کەرڎەن جە کرڎەوە فاشیتییەکاو دەولەتوو تورکی ئەرەگیریچنە".

کەنعان ئایاز ١٥و ئاداری وەختێوە گەرەکش بۍ جە تەیارەخانەو لارانسایۊ بە مەبەستوو دیڎاری چەنی بنەیانەکەیش سەرۍ سویدی بدۊ، بۊنەوقەراروو گێرتەی و داواکاریی رادەسکەرڎەیۊشۊ لاو حوکمەتوو ئاڵمانیایۊ جە ڕاو پۊلیسوو قوبرسیوە گیریا.

جە ئەرەنیشتەی ١٩و نیسانینە داڎگاو لارانکای قەراروو ڕادەستکرڎەیۊ ئایازیشا بە ئەڵمانیای دێبۍ و ڕا پەی لوایۊپۊریش جە داڎگاو باڵاینە کریاوە.

ئایاز جە چواروو ئایارینە جە ڕاو پارێزنەرەکەیشۊ قسیش پەی ئەرەیاونای قوبرسی وەڵۍ کەرڎێوە و واتش، "وەختێوە ئازادیی من بۊنەو مامەڵێوە نایاسایی و نائینسانانەیۊ زەوت کریۊ، من مەتاوو بێدەنگ بم. وەروو ئانەی ئانە تەرسۍ گەورۍ و وەرەچەمەنە، پەی ئانەی سەرنجە کێشوو پەی سەروو هەرمانۍ ناڕەوۍ و چەمەڕوانکریۍ دماو ڕادەسکەرڎەیۊ، گەرەکما ئەرەیاونووش کە جە ٤وو ئایاروو ٢٠٢٣وە تا ئا وەختە داواکارییەکام مسۊگەرۍ کریا، مانی جە وارڎەی بێکۊتایی گێروو. جە ڕاو ئی چالاکییوە ناڕەزایەتی وێم بەروزوو".

س.ز