کۊنگرەو گەلی ئەرەیاوناش، کە دەوڵەتوو تورکی بە هجوومکەرڎەی سەروو مەنتێقە مەدەنییەکا تاوانوو جەنگی کەرۊ و واتش:"پەنەوازا گرد یاگێوەنە دژوو هجوومەکاو سەروو وەرنیشتی مردمێوە، مشۊم بە گردوو قوەیماوە وەرگێریی جە شۊڕشوو وەرنیشتی کەرمۍ."
دیوانوو هامسەرۊکایەتیی کۊنگرەو گەلی ئەرەیاونایوەش وەڵا کەرڎۊ و واتش:"حکومەتی فاشیستوو ئاکەپە-مەهەپەی هجوومۍ کەرۊ سەروو هەرێمە وێمانەکاو سەرنیشت و وەرکەوتوو سوریای و خەڵکی مەدەنی کوشۊ. ئێمە بەتندی هجووم و کۊکوشییەکا شەرمەزارۍ کەرمۍ."
'هجوومەکانە تاوانوو جەنگی کریۊ'
دەقوو ئەرەیاونایەکەو کۊنگرەو گەلی :
"تەنانەت گردوو یاگەکانە پێسە ناوەندوو گازی، نەوتۍ، کارەبۍ، ئاوۍ، خەسەخانەکا، ناوەندوو بەرهەمئارڎەی گازوو ئۊکسجینوو خەسەخانەکا، بیێنۍ ئامانجوو هجوومەکا، بە پاو یاساو میاندەوڵەتییەو جەنگی، ئینە تاوانە دژوو ئینسانیەتی، ئا هێزۍ دژوو هجوومەکاو دەوڵەتوو تورکی بێدەنگێنۍ، هامبەشێنۍ تاوانەکانە.
بێگومان هێزەکاو هامپەیمانیی میاندەوڵەتی هاگادارۍ هجوومەکانۍ. بێدەنگی و تەماشەکەرڎەی هجوومەکا یاگۍ قبووڵکەرڎەی نییا. ئینەیچ یانۍ هامبەشیی تاوانەکا. سەد ساڵێن دەوڵەتوو تورکی چی سیاسەتەو 'کوشتەی کورڎا ڕاش دریێنە پەنە' پەشتیوانی چا هێزاوە ورگێرۊ. پەوکاتی دەوڵەتوو تورکی بەبێباکانە هجووم کەرۊ سەروو گەلوو کوردی و دەسکەوتەکاش.
'گورزێوە قورسشا جە گەریلایۊ وەرکەوتەن'
وەلۍ پی پەشتیوانییەیچە دوڵەتی فاشیستوو تورکی بەرڎەوام جە سیاسەتوو نکۊڵی و دلێنەبەرڎەی دژوو گەلوو کوردی، ڕووبەڕوو شکسی بۊوە.
ئەرڎۊغان کە گورزێکی گەورەی لەگەریلا بەرکەوتووە، لە وەرنیشت هجووم دەکاتە سەر خەڵکی مەدەنی، ئەمەش ئەوە نیشان دەدات دەسەڵاتی ئاکەپە-مەهەپە چەندە بێدەسەڵاتە و لە ڕەوشێکی سەختدایە. ئەم پەلامارڎانە ڕاگەیاندنێکی نافەرمییە بۊ شکستی سیاسەتەکانی.
چی پڕۊسەو کۊشیاینە کە بە پارادایموو ئازاڎیی ڕابەر ئاپۊی ملۊ ڕاوە، دوژمناو گەلوو کوردی دۊڕیا و دۊسەکێشا سەرۍ گنا. حکومەتوو ئاکەپە – مەهەپەی کە پا گێرۊرە سەروو دوژمنایەتیی دژوو کورڎا، ئینا دۊڕیاینە، فرەیی هجوومەکایچ تەرسەی جددییەنە جە وڕیای. وەلۍ هیچ فریاشا مەگنۊ.
ئێمە ئەوەڵوو ساڵۍ تازۍ بە سەرکەوتەیە گەورەکەو گەریلای دەس پەنە کەرمۍ. هەرپاسە ئی سەرکەوتەیە مەبارەک کەرمۍ. گەریلا نەخشەڕاو سەرکەوتەی ساڵەو ٢٠٢٤ نیشانەو گەلەکەیما و دۊساما مدۊ.
'با گرد یاگێوەنە ئەرەپڕای کەرمێ'
ئا 'پەیماننامەکۊمەڵایەتی'یە کە وەرنیشتنە قەبووڵ کریا، پەی گەلاو مەنتێقەکەی بییەن بە هومێدێوە و تەرسێوە پەی ستەمکارا. ئینەیچ یۊن جە هۊکارەکاو هجوومەکاو فاشیزموو تورکی. پەنەوازا دژوو هجوومەکاو سەروو وەرنیشتی گرد یاگێونە سەرە ورڎەیمۍ و چەنی هامڕایاما بە گرد نۊعێوە خاوەنداری جە وەرنیشتی کەرمۍ. پەنەوازا بە گردوو هێزیماوە وەرگێری جە شۊڕشوو وەرنیشتی کەرمۍ.
جە حەر بوارێوەنە پێوە مەیدانەکانە دژوو فاشیزموو دەوڵەتوو تورکی و ئا هێزا، کە وەراوەرشنە بێدەنگێنۍ سەرە ورڎەیمۍ و بواچمۍ ئیتر وەسێن."
