قسەکەرەوکۆمیتەو پەروەردەو کۆنگرەو ستار گولستان گولۆوە، دەربارەو هەرمانەکاو کۆنگرەو ستاری پەی ئاژانسوو هەواڵوو فورت (ANF)ی قسێش کەردێ.

گولستان گولۆوە ئاماژەش پانەیە کەرد 'کۆمیتەو پەروەردەی' چێروو چەترەو کۆنگرەو ستارینە ڕێک وزیان و دەورێوە گرنگش هەن واتش: "چونکوم وەختوو ئەرەمەرزنای کۆنگرەو ستاریوە، هەرمانێوە پەروەردەییەی بنەڕەتییە و گرنگەنە." کۆمیتەو پەرەوەردەی یۆن جە لە لایە گرنگەکاو سیستموو هەرمانکەردەی کۆنگرەو ستاری. پەرسەو ژەنێ پەرسێوە بنەڕەتییەو گلێرگەینە، پەوکای کۆنگرەو ستاری سەروو شۆڕشوو ویرۆکەردەی  وێش بونیاد منیۆ. چی ڕێوە گەرەکشا فشار و چەوسنایۆ هەزاران ساڵەیش سەروو ویر و جەستەو ژەنێوە نازۆ، بە فکر، ئایدۆلۆژیا و هۆشیاریێوە تازەوە وێش بونیاد بنیۆوە و بۆ بە داراو دەوری و ئیرادەی.

پەوکای ماچمێ کۆنگرەو ستاری دلێ گلێرگەینە داراو هەرمانێوە تاریخیێن. هەمان وەختەنە پەوەروەردە مافێوە  بنەڕەتیی ئینسانین بەتایبەت پەی ژەنا. کۆنگرەو ستاری تا کاریگەریی زیاتەرش بۆ دلێ گلێرگەینە و وەڵا بۆوە، سەروو شێوەو کۆمۆن، ئەنجوومەن، ئەکادیماو شارەکا، ئەکادیمی و ئەنجوومەنی گردینوو ڕێکوستەی وێش کەرۆ. وەروو ئینەیە ژەنی  وەڵێ گردیوە کۆمۆنەکاو پەرەوەردە ورگێرا.

چا یاگێنە پەی ماوەو ڕوێ یا دووێ ڕوا سیمیناری پەرەوەردەیی پێشکەش کریۆ. پاسە جە ئاستوو شارەکانە ئەکادیمیاما هەن و خولی پەرەوەردەیی پەی ماوەو ٢٠-٢٥ڕوا مدەیمێ و چا خولاو ئەنجامی خاس کەوتەنۆ. دماو پەروەردەکەی فاڕیای جیدی و کاریگەر چا ژەنانە وەش بییەن و واوەی وێشا مشناساوە. حەقیقەتوو سیستموو هەژموونگەرای هەزاران ساڵەی موینا.

بە زوانەکاو کوردی و عەرەبی دەورەکێ وچیاوە.

ساڵەو ٢٠٢٣ێنە وەختێو ئەکادیمیاو برانشانمانیما ئەرەمەرزنا، کەسێ پەرەوەردەکارێش چەنەنێ کە متاوا دلێ گلێرگەینە پەرەوەردە پێشکەش کەرا. ئەکادیمیاو زەینەب سارۆخانێنە ژەنی گردوو ڕووەکاوە وێشا پەروەردە کەرا. چی دەورەنە پەرەورەدە سەروو بابەتەکاو ژەنۆلۆژی، تارێخوو ژەنێ، تارێخوو وەرکەوتوو دلیڕاسەی و سۆسۆلۆژیاو ئازادیی ژەنێ، لاو پەرەوەردەکاراوە بە زوانەکاو کوردی و عەرەبی پێشکەشێ کریێنێ و کاریگەری و دەرەنجامی خاسش بێ.

ئەکادیمیاو پەرەوەردەو ژەنەو لەیلا ئاگرێ هەن، هەرپاسە سەروو ئاستوو کانتۆنەکا ئەکادیمیاو ژەناما هەن، ئەوەڵ کۆمۆنەکاوە دەس بە پەرەوەردەو ژەنا کەرمێ، دمایی ئەکادیمیاو شارەکا، ئەکادیمیاو کانتۆنەکا و دما پەرەوەردە پەرەوەردەی گردینا. بێگومان حەریۆ چی پەروەردا وەختێوە تایبەتیی وێش هەنش، بڕێ جە پەروەردەکا پەی ماوەو مانگێوەن، بڕێشا پەی ماوەو یەرێ مانگا خواینا.  

سەروو ئی بنەمێ دەسما بە هەنگامەکاما کەرمێ، چی وەختەنە پەی ٨وو ئاداری هەنگامێوەما دەس پەنە کەردێنە. کۆمیتەش گردوو دەگا و شارەکانە باسوو گرنگی و ماناداری ٨ ئاداری کەرۆ. پەوکای کۆمیتەو پەرەوەردەی دلێ  ناو گلێرگەینە دەورێوە گرنگا. یۆ جە ئامانجەکاما یاونایپەنەو کادرە سەرمەشقان چی ئەکادیمیاوە."

گولستان گلۆ ئاماژەش پانەیە کەردەن کە کۆنگرەو ستاری بە گرنگییوە پەی ژەنا هەرمانە کەرۆ و واتش: "بەڵام دلێ هەرمانەکایچمانە گرنگیی بە پیای مدەیمێ. ڕابەر ئاپۆ پێسەو هەرمانێوە سەرەکیێ پەروەردەکەردەێوە پیایانەش دان دەسوو ژەناوە، ڕێبەر ئاپۆ ماچۆ 'ژەنی نەک تەنیا وێش، بەڵکوم مشۆم پیێچ پەروەردە کەرۆ. پێوەس پی بابەتیوە چندین پڕۆژێما ئامادێ کەردێنێ پەی پەروەردەکەردەی پیایا. بەڵام ئی بابەتە زەحمەتێوە فرەش بێ، چونکوم پیێ پەروەردەکەردەی پێسە پێوسی نەزانێنێ. سەڕەراو ئینیشایچ هەرانەو پەرەوەردەیما بەردەوامە بێ. گردوو شارەکانە پەروەردەی یەرەڕوەما پەی پیایا بێ.  

متاوو بواچوو کاریگەری و ئەنجامی خاسش بێ دلێ گلێرگەینە. پەروەردەکەردەی پیایا لاو ژەناوە هەنگامێوە گەورێ بێ. پەوکای پەرەوەردەکەردەیما پەی پیایا بەردەواما و چندین پیێ بەشدارییشا خولە پەروەردەییەکانە کەرد. وەڵێ ماوێوە کەمینەکەم خولێوە پەرەوەردەیی  ٢٨ ڕوەما پەی پیایا ڕەقەنە کەردۆ، دەرنجامێوە خاس جە کەسێتیی پیا بەشدارەکانە وەش بی."

ئاخروو قسەکاشنە گولستانە ئاماژەش پانەیە کەرد، کە پڕۆژەکێشا پێسە بەردەوامێ با و ئیساتێنە و دماتەریچنە خولێ چێنێ سەرمڕێ با.