نوێنەرایەتی کۆنگرەو نەتەوەیی کورڎسانی جە پانیشت بە بەشڎاری ژمارېوە فرە جە رۊشنۋیرا، سیاسەڎمەدارا و کەسایەتیە ئشناسیەکا جە هۆڵو ئەمنە سورەکەینە جەبارەو ١٠٠ ساڵەو لۆزانی و چارەنۋیسو کورڎیوە کۊنیشتېوە ساز کریۊ.
جە هۆڵو ئەمنە سورەکەو سلێمانی بە سەرمەشقی نوێنەرایەتی کۆنگرەو نەتەوەیی کورڎسانی جە پانیشت بە دروشمەو 'جە ١٠٠ ساڵەو لۆزانیەنە، کورڎ پېۋەرە ژیۋای جە ۋەرکەوتوو میامینینە کەرۊنە چارەسەری" کۊنیشتېوە دوۋە پانێلیش بە بەشڎاری ژمارېۋە جە رۆشنۋیر، سیاسەڎمەدار و کەسایەتیە ئشناسیەکا ساز کەرڎ.
ۋەڵۍ دەسپنەکەرڎەو پانېڵەکا پۍ ڕېزگېرتەی جە گیانو گەشمەرڎا کورڎسانی دەیەقېوە بە بۍ دەنگی مرڎۍ.
پانێلەکە جە دوۋۍ بەشا پێکمۍ:
ۋەنەیېوە یاسایی و تاریخی پۍ لۆزانی.
جە بەشی یۋەمەنە پ.د. شۆڕش حەسەن جەبارەو 'رەهەنڎە یاساییەکا پەرسو کورڎی چېرو رۆشنایی پەیمانەو لۆزانینە'، پ.د. کامەران مەنتک جەبارەو 'ۋەنەیۊیۍ پۍ لۆزانی'، مامۆسا ستەم کامیلیچ بەنامونیشانو '١٠٠ ساڵۍ دماو لۆزانی، کورڎ جە بەینو دەرفەتی و نەبیەی ستراتیجېوە هامبەشینە' قسۍ کەرا.
بەشو دۋەمی سەرو 'ئەنجامە سیاسیەکا لۆزانی جە ئیسە و ئایندەنە' بۊ. چا بەشەنە کاردۆ محەمەڎ سەرو 'ستراتیجی نەتەوەیی و شێۋازو حکومڕانی'، بڵێسەو جەبار فەرمانی سەرو 'سیاسەتو کورڎی دماو ۋیەرناو سەڎېوە سەرو لۆزان'یرە، د. جاویدان کەمال سەرو 'پڕۆژەو کورڎی و ئەزمونو ۋەرنیشتوو کورڎسانی جە سەڎ ساڵەو لۆزانینە' قسۍ کەرا.
هـ . ش
