کەرکوک؛ دەنگدای گرڎی پۍ هۊرچنیەو ئەنجوومەنوو پارێزگای ملۊڕاوە
ئارۆ دووەشەممە، دماو ١٨ ساڵا پۍ یوۋەم جاری دەنگدای گرڎیی پۍ هۊرچنیەی ئەنجوومەنوو پارێزگاو کەرکوکی ملۊڕاوە.
سەعات ٧:٠٠و سەر سەعبوو ئارۊی دووەشەممە، دەنگدای گرڎیی پرۆسەو هۊرچنیەی ئەنجوومەنوو پارێزگاکا جە کەرکوک و تەماموو عێراقینە دەسش پنەکەرڎ.
بەپاو زانیارییەکاو ئۆفیسوو کەرکوک و کۆمسێۆنوو باڵاو سەربەخۆو هۊرچنیەکا عێراقی، شاروو کەرکوکینە یەک ملۋېن و ١٥٣٠٠ کەسۍ مافوو دەنگدایشا هەن بەڵام ٨٦٨ هەزارۍ و ٩٠١ کەس ساحیب و کارتی بایۆمەترینۍ و متاوا دەنگ بڎا، حەرپاسە بەپاو دماین ئامارەو کۆمسێۆنی زیاتەر جە ٧٧٪و هاموڵاتیاو کەرکوکی کارتەکۍ دەنگدایشا هۊرگېرتېنۍ و ئارۆ بەشداری پرۆسەکەی کەرا.
یاگۍ باسیا، جە سەرانسەروو عێراقینە بېجگە جە هەرېموو کوردسانی ١٥ ملۋېنۍ و ١٠٨ هەزار و ١٣٥ کەسۍ مافوو دەنگدایشا هەن و متاوا جە ٧١١٦ بنکا دەنگداینە و ٣٥ هەزارۍ و ٥٥٣ وێستگانە دەنگ بڎا.
