کەسکین بایندەر ھامسەرۊکو گرڎی دەبەپەی جە یوۋەم ئەرەنیشتەو داڎگاینە ئازاڎ کریا. بایندەر ۋەران ۋەرو بەرەو بەرو زینڎانینە ۋاتش؛"ئەشۊ ھەرمانە پۍ ئایندەو گەلەکەیما کەرمۍ" و داواو بەقوەتکەردەو گۊرەکەرڎەو ئەرەکۊشایش کەرڎ.
کەسکین بایندەر ھامسەرۊکو گرڎی پارتو ھەرېمە دیموکراتیکەکا(دەبەپە)ی، کە بە تۊمەتەو ئەنڎام بیەی جە ڕێکوستەینە گیریا بۍ داڎگایی کریا، جە یوۋەم ئەرەنیشتەو داڎگاینە ئازاڎ کریا.
کەسکین، ۋەرو دەمو بەرەو زینڎانو باڵاو ئاسایش و ئامەدیەنە پێشوازیۍ فراوانش ۋنە کریا. "سالیحە ئایدەنیز"ە ھامسەرۊکەو گرڎی دەبەپەی، بەردان ئۊزتورک ھامسەرۊکو کۊنگرەو گلېرگەو دیموکراتیک(کەجەدە)و، پەرلەمانتارەو ھەدەپەی جە ئامەد"ڕەمزیە توسون"ە، ھامسەرۊکو دەبەپەی جە ئامەد" خەیرەدین ئاڵتون"، ھامسەرۊکو ھەدەپەی جە ئامەد" ئامەد گوڵستان ئاتاسۊی" و، زیاد جەیلان، ئەنڎاماو ڕاۋەبەراو دەبەپەی و ھەدەپەی و ڕێکوزیاکۍ گلېرگەی مەدەنی پېشوازیشا جە بایندەری کەرڎ.
*زوڵمو زۊرڎاری جە زینڎانەنە:
بایندەر، ۋەختۍ زینڎانەنە ئازاڎ کریا ۋەرو بەرەو زینڎانەکەینە ۋاتش:" گرتا خېرئامایدۍ، سەرو سەرەی و سەرو چەما ئامایدۍ، ئی پەشتگیریە نەک تەنیا پۍ ئێمە، بەڵکم پۍ گرڎو پارتەکەیمانە. ئېمە گرڎ ۋەختۍ ۋەران ۋەرو زوڵمی و ستەمیەنە ۋەرگېری و ۋېڕاگری کەرمۍ. جە ئەرەکۊشایما پۍ ئازاڎیی، یەکسانی و دیموکراسی ۋەردەوامۍ بیمۍ.
بایندەر ۋاتش:"گرڎو ھەڤاڵاما زینڎانەنە سڵامشا پێ شمە بۍ و منیچ جەژنەو نەورۊزیتا ۋنە پیرۊز کەرو''.
بایندەر ئانەیچش ۋات:"جە زینڎانەنە ھەناسە دایچ پەنەوازش بە ئەرەکۊشای ھەن، چونکی زینڎانەنە زوڵمو ستەم ھەن، پۊکەی ھەڤاڵەکێما ھومېڎو ھیواشا بە شمەو گەلەکەیما ھەن".
بایندەر ماچۊ؛ پرۊسېۋە گرنگ ئینا ڕامانە. قەناعەتما چانەن کە ھامپەیمانیەکەما، ھامپەیمانی "ڕەنج و ئازاڎیی" سەرگنۊ. پۊکەی پېۋیسا جە دەگا و کۊڵانۍ و یانەکانە و جە گرڎ یاگېنە بیمۍ سەرکۊتەیۍ گۊرە بە دەس بارمۍ. ئېمە دما ڕۊو گەلەکەیماو ئایندەو ئازاڎیی ۋېما بە دەس مارمۍ.
ھ.ش
