لەندەنەنە هجومە ئەرەگیریەکۍ شەرمەزار کریۍ
کوردسانیا و دۊسەکېشا ۋەروودەم و بیناو سەرۆکوەزیرانینە جە لەندەن کوۍ بیۍ و هجومەکۍ دەوڵەتوو تورکیایشا پۍ سەروو ۋەرنیشتوو کوردسانی و هەرێمەکاو پارېزنای مەدیای شەرمەزارۍ کەردۍ.
جە لەندەن و پایتەختوو بەریتانیاینە بە وێنیشاندایۍ هجومەکۍ دەوڵەتوو تورکی ئەرەگیری پۍ سەروو ۋەرنیشتوو کوردسانی شەرمەزار کریۍ.
سەروو خوڵقە و بانگەوازوو ئەنجومەنوو گەلوو کوردی، کوردسانیا و دۆسەکېشا پەی شەرمەزارکەرڎەی هجوومەکا سەروو ۋەرنیشتوو کوردسانی وەروودەم و بیناو سەرۆکوەزیرانیەنە کوۍ بیېوە. جە وېنیشانداکەیەنە ئاڵاکێ یەپەگە و یەپەژەی، پۆستەرەکۍ ڕابەروو گەلوو کوردی عەبدوڵا ئۆجالانی و پلاکاردۍ کە سەرشاوە نویسیابۍ "کوردستانی پارېزنە" بەرزۍ کریێوە.
جە وێنیشانداکەیەنە دروشمەکاو "تیرۆریست ئەردۆغان"، "بژیۋۆ کوردسان"، شەرم گێرۊتا"، "پەشتیوانی جە دەوڵەتوو تورکی فاشیستی مەکەردۍ"، "ژەنی، ژیۋای، ئازاڎیی"، "بژیۋۆ سەرۆک ئاپۆ"ی، وچیێوە. چا وتارانە کە جە وێنیشانداکەینە پێشکەشکریۍ، توڕەیی و قینی ۋەران ۋەر بە هجومە ئەرەگیریەکاو دەوڵەتوو تورکی نیشانەدریا.
