جە ٢٠ وو ئایارینە، سوپاو عێراقی حەوڵیس دۍ جە ڕاو زرەپۊشی و کەرەسی سەروازیوە، بلۊ دلۍ کەمپوو گەشمەرڎە ڕۊستەم (مەخمور)ی، ئینجا تەلبەند و قولۍ دەروازیۍ دەوروو کەمپەکەینە بنیۊرە.    

پێسە ناڕەزایەتیێوە دژوو ئی حەوڵا پەی ماوەو چوار ڕوان خەیمۍ مدرامانینە خەڵکوو مەخمووری ٧ پەی ٧٠ ساڵێشا خەریکۍ حەرەسیاتینۍ.

دماو کۊبییەیۊ وەرپەرسا کەمپەکەی جەنی فەرماندە سەروازییەکا، تا ڕاددیوە یاوۍ ڕیککەوتەی و جەیۊیاواینەی.    

سەبارەت پی پەرسا، سکرتێروو ناوەندوو مافوو ئینسانی عێراقنە، عەلی عەبادی قسێش پەی ڕۊژنیوزی کەرڎۍ.

عەبادی قسەکاشنە هۊشدارییش دان سەبارەت لوایڕاوەو پیلانەکاو ڕژێمی سیاسیی تورکیای دلێنەو عێراقینە و مەخموورنە بەتایبەتی و واتش: «بۊنەو بێدەنگییە سەیر و تەمومژاوییەکەو حوکمەتوو عێراقیوە، تورکیا بۊرڎوومانوو مەنتێقەکەی کەرۊ و خەڵکی بێتاوانی کەرۊ ئامانج».

 عەبادی واتیچش: «فشار و کپکەرڎەی پەنابەراو کەمپوو مەخمووری پێچەوانەو یاساکاو مافوو ئینسانین و قبووڵ مەکریۊ».

لاو وێچشۊ داوا کەرۊ چارەسەرێوە، پەی پەرسەکۍ وێزیۊوە، پیلانەکۍ بە دڵوو دەوڵەتو‌و تورکی نەلا ڕاوە.

س.ز