ماک ئامەدەنە چالاکیش کەرد
ماک جە بەردەوامی چالاکیەکاشەنە جە دژو ئەرەگیری و فاشیستا و پەی شەرمەزارکەردەی پیلانگێڵنی میاننەتەوەیی واتش: "بە گیانو مڎرامانو ئەڎایاماوە بانگەواز پەی ئەرەکۆشای مکەرمێ."
بە دیمەن
جەنگاوەرا ئازادی کوردەسانی (ماک) جە ئامەدەنە بە بۆمبی دەسی گورزەش ۋنەو ئەرەگیرا شانا و پۆلیسێوەش زامڎار کەرد. هەر جە درێژەو چالاکیەکاشەنە گەڤەرەنە کامێرێوە چەمڎاریشا ماڕا.
جە بارەو چالاکیەکاشۆ ماک جە ئەرەیاونێوەنە ئەرەیاوناش جەنگاوەرەکێما جەدژو ئەرەگیریە دڕندانەکا فاشیستا جە ١٣و ئۆکتۆبەرینە سەعات ٢٣:٠٠ بە بۆمبی دەسی هجومشا کەرد سەرو خاڵێوە ئاسایشو فاشیستا جە ئامەدەنە و جە ئاکامەنە پۆلیسێوە بە قورسی زامڎار بی و ماچۆ: "ئی چالاکیە جە حەقەو هجومەکا پۆلیسو تورکینە کە کەردش سەرو ئا کەسا کە پەی داواو ئازادی ڕابەر ئاپۆی مجیێرە کۆڵانەکا ئامەدی."
هەر جە ئەرەیاوناکەو ماکینە ئاماژە بە ئەنجامدای چالاکی دووەمیشا مکەرا کە جە ١٥و ئۆکتۆبەرینە سەعات ٢١:٠٠ جە گەڕەکەو عومرانو گەڤەرینە بە ماڕاو کامێرێوە چەمڎاری ئەرەگیرا ئەنجام دریان.
'دژو هجومە نامەردانەکا دژمنی چالاکی مکەرمێ'
هەر جە ئەرەیاویاکەنە ماک بانگەواز پەی ئەرەکۆشای وەرفراوانتەری مکەرۆ و ئامان: "با هێزەکا تورکی ئەرەگیری خاس بزانا جە دژو هجومە نامەردانەکا دژمنی کە وەرانوەرو ئەڎایانە و گەلەکەیمانە ملاڕاوە، چالاکیەکاما وەرفراوانتەر مکەرمێ و ئەرەمەزیایەکاتا مکەرمێ ئامانج. سەرو ئا بنەمایۍ بانگەوازو وەرفراوانتەرکەردەی چالاکیەکا جە گرڎ لێوە مکەرمێ و ڕۆ ڕۆو خاوەنداریکەردەین جە ڕابەر ئاپۆی و گەریلاکا ئازادی کوردسانی."
