یەرۍ ئەڎۍ ئاشتی کە دماو هرووژمی سەروازی پەی سەرو دەگاو بلەخشێ گیریۍ، کاتێ بەڵگەو تۆمەتبارکەردەیشا ئاماڎە کریۍ و ٩ ڕوۍ پەی ئەرەنیشتەکەیشا مەنەبۍ، بەبێ ئاگاڎارکەردەیۆ بنەیانەی و پارێزنەرەکاشا بێسەروشۆنۍ کریۍ پەی زینانێوە تەری.
٢٢ ۍ حوزەیرانی بە دەسپنەکەردەو ئۆپەراسیۆنو پاکتاوی سەروازی جە دەگاو کەرجەوسی ئێلحی، ئاموشۆو ڕەوت جە دەگاکێنە قەڎەغەکریا و تەوقەکۍ تا ٦ و تەمموزی بەردەوامە بۍ، دماو هرووژمەکەی جە هۆرکوای سەرو یانانە و ١١ کەسۍ باڵبەسۍ کریۍ. دماو شەکواو داواکاریی گرڎی کۆمارو ئێلحی ٩ کەسۍ زینانیۍ کریۍ چانیشا ئەڎایا ئاشتی ئەمینە کایا (٥٤ ساڵ)ە و نەزعەت بۆلەکە (٥٨ ساڵ)ە و سارە کایا (٥٩ ساڵ)ە.
دەربارەو ئی ئەڎایا جە زینانو جۆرو M و ئێلحی کەبەڵگەو تۆمەتبارکەردەیشا پەی ئاماڎە کریۍ. بەڵگەو تۆمەتبارکەردەکەی بە بەهانۍ "هامکاری ڕێکوستەی" ئاماڎەکریا و جە لایەنو دووەمین دادگاو سزای قورسەو ئێلحیوە پەسینیا. ئەرەنیشتەی یووەم جە ٢٤ و ئارگای(ئۆکتۆبەر)ی ئەنجام مڎریۆ، بەڵام زانیان هەرچڼە کاتێوە کەم مەنەن پەی ئەرەنیشتەکەی، هەر یەرە ئەڎاکۍ وەڵۍ ئەرەنیشتەکەینە بێسەروشۆنۍ کریۍ و بریۍ پەی زینانو ژەنا ئەرزینگانی. بەرکۆت کە بە هیچ جۆرێوە بنەیانە و پارێزنەرا ئاگاڎارۍ ئینەی نەبیێنۍ.
