سلێمان ئەحمەڎ ڕۆنامەنوویس و هەواڵسازوو بەشوو عەرەبی ئاژانسوو رۆژ نیوزی، جە ١و تشرینوو یوۋەمیۆ، پۍ سەردای خێزانەکەیش و بەشداریکەرڎەی جە تەعزیەو تاتەیشەنە لووابۍ پۍ ۋەرنیشتوو کوردسانی، دماو گېڵایۊیش پۍ پانیشتوو کوردسانی، جە دەروازەی ڕسمی فیشخاپووریۆ، جە تەرەفوو هێزەکاو پەدەکەیوە گیریا و بێسەروشۊنکریان. ماوەو ٦٩ ڕووان حیچ هەواڵېوە جە بارەشۆ مەزانیۆ.

دماو حەفتێوە جە بڕفانای ئا رۆنامەنوویسەیە، ئاسایشوو پەدەکەی جە دهۆک ئەرەیاۋناش، کە گوایە بڕفانای ڕۆنامەنوویس سلێمان ئەحمەڎی ' بەمەڵامەتوو هەرمانەو ڕۆنامەوانییوە نەبیەن' و بە ئاشکرا هەڕەشۍ سزادای سلێمان ئەحمەڎیش کەردە و دڎانشا پانەیرە نیا کە بڕفانای ڕۆنامەنووس سلێمان ئەحمەڎیی هەرمانەو ئاڎیشا بیېنە. سلێمان ئەحمەڎ نزیکەو ٥ ساڵان پېسە ڕۆنامەنوویسی جە بەشوو عەرەبی ئاژانسوو ڕۆژنیوزی هەرمانەکەرۆ.

ڕۆژنیوز داواش کەردە دەموودەس ڕۆنامەنوویس سلێمان ئەحمەڎ ئازاڎ کریۆ.