مدرامانوو خەڵکوو مەخمووری درێژەش هەن
خەڵکوو کەمپوو مەخمووری بەرڎەوامێنۍ جە مدرامانەکەیشا. خەڵک هیزی شەوۍ تا بەیانی دلۍ خەیمەکاشانمە زەماونڎەنەشا گێڵنا.
سئپاو عێراقی بەرڎەواما جە حەولەکاش پەی تەلبەندکەرڎەی دەورووبەروو کەمپوو گەشمەرڎە ڕۊستەم جودی (مەخمور)ی، هیزی شەوۍ بۊنەو مدرامانوو ئەرەنیشتاو مەخمووریوە هێزەکاوعێراقی ئامۍ سەروو مێزەو گفتوگۊی. سوپاو حێراقی حەوڵێش دۍ جە ۲۰وو ئایارینە بە دەیان سەیارۍ زرەپۊشۍ، چەک، پۊلیس، هێزی تایبەت، نیایرەی بازگەی و تەلی کامپەکە بە تەلبەندکەرڎەی قۊرخ کەرۊ.
هێزەکاو عێراقی یووەم ڕۊنە بە چەک هجوومشا کەرڎ سەروو خەڵکوو کەمپەکەی و گەنجێوەشا بە گوللۍ بریندار کەرڎ. خەڵکوو کامپوو مەخمووری وەرگریێوە بێوێنەشا وەراوەروو حەوڵەکاو سوپاو عێراقی کەرڎ.
ماوەو ٤۴ ڕوان مدرامانوو خەڵکوو ئا کەمپی بەرڎەواما، هیزی دماو ئانەی شاندێوە کەمپەکەی چەنی وەرپەرسا عێراقی کوۍ بیێوە، خەڵکوو کەمپەکەی جارێوە تەر تا بەیانی خەیمەکاشانە مەنێوە.
خەڵک تا بەیانی خەیمەکاو مدرامانینە زەماونڎەشا گێڵنا و واتشا دەسبەرڎارۍ مدرامانی مەبیمۍ.
مدرامانوو خەڵکوو کەمپەکەی بەرڎەواما و چەمەڕوان کریۊ ئارۊ شاندێوە کەمپەکەی چەنی دەسەڵاتداراو عێراقی کوۍ باوە و داواکارییەکاشا پێشکەشۍ کەرا.
س.ز
