"ڕاپیمای گەورەو ئازادی"ی کە پەی ئازادیی جەستەیی ڕابەروو گەلوو کوردی عەبدوڵا ئۆجالانی دەسش پەنە کەرد،  نۆوەمین ڕۆشنە بەردەواما.

مەحمود دیندار پەرلەمانتاروو دەم پارتی- وانی چەنی ئاژانسوو هەواڵوو فوراتی قسێش کەردێ و واتش: "ئێمە ٩ەمین ڕۆو ڕاپیمایەکەینە بەردەوامێنمێ جە چالاکی. سەروو حەرشارەکڵەی و دەگێوە کە مدەیمێ، بە جۆشوخرۆشێوە فرەوە خێرامایما کەرا. گردوو گەلەکەیما مزانۆ، کە ڕاپیمانەبەشداربییەی ماناش چێشەنە و ئا ئەنجامە کە گەرەکمانە چێشا، پەوکای خاوەنداریێوە فرەش وەنە کریۆ".

ئاخروو قسەکاشنە دیندار ئی پەیامێشە ئاراستەو گەلی کەردێ

"ئێمە پەی ئیرادەو گەلوو کوردی ڕا پیممێ، تا زینداننە ڕزگارش بۆ و قفڵەڕێزایەکا کەرمێوە، گرد یاگێونە پاڵپشتیێوە وەرفراوانوو گەلی هەن، دڵنیێنمێ ئاخروو ئی ڕاپیمایەینە گۆشەگیریی سەروو بەڕێز عەبدوڵا ئۆجالانی ماڕمێ"، تا وەختێوە گۆشەگیری دماییش بێ، ئێمە درێژە پا ڕاپیمایە مدەیمێ و قفڵوو بەرەو ئیمرالی ماڕمێ.  

تا مانا بە ئاشتی و ژیوای بەخشمێ و تا ئینسانەکێ بەئارامی یانەکانە و جادەکانە هاموشۆ کەرا، مشۆم گۆشەگیری مەڕیۆ و ئازادی بێ دی".

مەحمود دیندار پەرلەمانتار، واتش، ڕۆو١٣ مانگێ لە شاروو ئامەدینە با و داواش جە گەلوو ئامەدی کەردە بەجۆشوخرۆشێوە فرەوە "ڕاپیمای گەورەو ئازادی"ی گێرا باوەشی.