دماو وڕاو ڕژێمو بەعسی کە بی بە مەڵامەتو زیاڏبییەی هرووژموو چەتەکا سەر بە دۆڵەتو تورکی ئەرەگیری سەرو بەنداو تشرینی. گەل ماوەو یەرێ مانگان بە قەراردارییۆ جد دژو ئا هرووژما مدرانۆ و ئینا ئێشکگیری مڏرامان و بەنداو تشرینینە.
جە ٨و کانوونو دووەمیۆ گەلا سەربیشتوو وەرکەوتوو سووریای دماو بانگەوازو ئیدارەو وێ ڕاوەبەری پەی پارێزناو بەنداو تشرینی چالاکی ئێشکگیری مڏرامان و بەندواس تشرینیشا دەسپنەکەردەن.
مەرامو مڏرامانو ئێشکگیری گەلی پەی پارێزناو بەنداوو تشرینین جە هرووژمو دۆڵەتو تورکی و چەتەکاش کە چا ماوەنە بە وەرفراوانی و دڕندایەترین سەرو گەلی ئێشكگیری بەنداوەکەی بەردەوام بێ.
چالاکی ئێشکگیری بەشێوەو نۆرەی ئەنجام دریۆنە، حەر جارێ و بەشێ جە گەلوو کانتۆنی و چن شارێ ئێشكگیری مڏرامانو بەنداو تشرینی هورگێرا. ماوەو یەرێ مانگان بەنداو تشرینی بییرن بە قەڵێوە پەی مڏرامانی و ڕاوەبەردەی ژیوای جە چوارچێوەو جەنگوو گەلی شۆڕشگێڵینە.
گەل کە ئینا مڏرامان و بەنداو تشرینینە، جە ٤و نیسانی ساڵوەگەڕو ٧٦ـەمینو ڕابەر ئاپۆی قەولو بەردەوامیدای بە مڏرامانیشا واوەی کەردۆ و سەرو بەنداوەکەیۆ ٤و نیسانیشا پیرۆز کەرد.
چنی ئانەی گرڏ ئانیشا کە ئینێ ئێشکگیری مڏرامانینە کەسێ مەدەنیێنی، بەڵام دۆڵەتو تورکی و چەتەکێش بە گرڏ شێوێ هرووژمشا جە دژ ئەنجام مڏانە. بە پاو ئامارەکاو دەسەو تەندرووسی ئیدارەو وێ ڕاوەبەری سەرنیشتوو وەرکەوتوو سووریای، جە مانگەکا ویەردەینە بەمەڵامەتو هرووژمە بەردەوامەکا دۆڵەتو تورکی ئەرەگیری و چەتەکاشۆ ٢٥ هاموڵاتیێ مەدەنیێ گەشمەرڏێ بیێنێ و ٢٢١ هاموڵاتیێ تەرێچ زامڏارێ بیێنێ
