حەفتەی ئایندە ئەحمەد شەرع سەردانو تورکیای مکەرۆ
سەرۆک کۆمارو کاتی سوریای، ئەحمەد ئەل شەرع کە دماو وڕاو ڕژێمو بەشار ئەسەدی سەرو دەسەڵاتداری دیمەشقی نریارە، حەفتەی ئایندە سەردانس تورکیای مکەرۆ.
وەزارەتو چبەرو دەسەڵاتداری دیمەشقی ئاماژەش پانەیەدا ئەحمەد ئەل شەرع حەفتەی ئایندە زنجیرێ سەردانێ وڵاتا ئەنجام مڏۆنە، جە دەس پنەکەردەو سەردانەکاشەنە سەرەتا سەردانو شانیشینو یۆگێرتەو عەرەبی (ئیمارات) ی مکەرۆ.
سەرچەمەکە ئاماژەش پانەیش کەردەن سەردانییەکێ شەرعی بەردەوامێ بانە و دماو ئیماراتی سەردانو تورکیای مکەرۆ.
شەرع پێسەو سەرۆکو کۆمارو کاتی سوریای، یوەم سەردایش پەی تورکیای ٤و شوباتی بێ. قەرارا جە حەفتەی ئایندەنە پەی جاری دووەمی سەردانو تورکیای بکەرۆ.
