ئەنجوومەنی بنەماڵەی شەهیدانی حەلەب بە بۆنەی ٤ی نیسان ڕۆژی لەدایک بوونی ڕێبەر ئاپۆ، ئاهەنگێکی بۆ منداڵانی شەهیدان سازکرد.

ئاهەنگەکە لە هۆڵێکی گەڕەکی شێخ مەقسوود بە بەشداریی بنەماڵە و منداڵانی شەهیدان، نوێنەری لایەنە سیاسییەکان، ڕێکخراوەکانی کۆمەڵگەی مەدەنی و ئەنجوومەن و کۆمۆنەکان بەڕێوەچوو.

لە مەراسیمەکەدا ڕەمزیە ساڵح بەڕێوەبەری ئەنجوومەنی بنەماڵەی شەهیدان قسەی کرد و ٤ی نیسانی لە بنەماڵەی شەهیدان پیرۆز کرد. ڕەمزیە لە قسەکانیدا باسی لەسەر بەرخۆدانی ڕێبەر ئاپۆ لە زیندانی ئیمرالی و بانگەوازەکەی بۆ ئاشتی کرد.

هاوکات ئاماژەی بەوەشکرد، هەتا ئازادی جەستەیی ڕێبەر ئاپۆ بەدی دێت، درێژە بە تێکۆشان دەدەن.

پاشان گرووپی تیشکەکانی خۆر (ترێژێن ڕۆژێ) و گرووپی جودی ئامانۆس و هونەرمەند ئەحمەد ڕەشۆ هونەرەکانیان پێشکەش کرد و بەشداربووان ئاهەنگ و گۆڤەندیان گێڕا.