ئێرانەنە دژ بە قەیرانەکا ئا وڵاتەیە ناڕەزایەتی نیشانە دریا
چنی زیاڏبییەو قەیرانەکا و شکسئاردەو حکومەتو تارانی جە چارەسەرکەردەینە، چنین توێژێ ئا وڵاتەیە بە گلێرۆبییەی ناڕەزایەتیشا بەربڕی و داواو مافی و خاسکەردەو ژیوایشا کەرد.
بە پاو میدیاکا ئێرانی، ئارۆ خانەنشینێ و کرێکاری کوردی و ئێرانی جە شارە جیاجیاکا وەرکەوتوو کوردەسانی و ئێرانینە مچیێ سەرو جادەکا و وەردەموو پارێزگاو شارەکا دەسشا کەرد بە وێ نیشان دای.
سەرچەمەکێ ئاماژەشا بە مەڵامەتو گلێرۆبییەکەی کەردەن و وچیان: "بە مەبەسوو بەربڕییەو ناڕەزایەتی جە وەراوەرو بارودۆخو سەختو ئابووریی و جابەجێ نەکەردەو داواکارییەکاشا جەلایەنو حکوومەتو تارانیۆ."
جە وێ نیشانداکەینە چنین درووشمێ دژو حکوومەتو ئێرانی وچیێ و داواو جابەجێ کەردەو داواکارییەکاشا و پنەداو مووچەکاشا کەرد.
