گەلو کوردی جە ڕوانگەو ڕۊبیەو ۋێشۆ بە جۆشێوە گۊرۆ ٤و نیسانی ڕۊبیەو ڕابەر ئاپۆیش پیرۆز کەرد، چا بارۆ گەریلاکاو ئازادی کوردەسانی ئاماژەشا پانەی دا، ڕۊبیەو ڕابەر ئاپۆی، سەرەتاو ژیۋایۆ گەلو کوردین.
چنی ڕۊبیەو ڕابەر ئاپۆی گەلو کوردی زیڼەبیۆ. پی مەڵامەتۆ گەلو کوردی و گەلا چېردەسەی ئا ڕووەیە بە پێرۆز مزانا، بەتایبەت گەلو کوردی چا ڕووەنە ڕووەمکەرا ئامارا. هەر چا ڕووەنە جە گرڎو جەهانینە نەمامۍ نریا و مەعنێوە تەمام مڎریۆ بە ژیۋگەیی. گەریلاکاو ئازادی کوردەسانی کە ئینۍ پارېزنای خاک و بەهاکا ئازادینە بە جۆش و مۆراڵێوە گۊرۆ ٤و نیسانی ڕۊبیەو ڕابەر ئاپۆی پیرۆز مکەرا. چا بارۆ هەرڎووە گەریلۍ هەپەگەی؛ باوەڕ هەبەش و هاشم هاڤین ڕۊبیەو ڕابەر ئاپۆیشا پیرۆز کەرد و بە کەیفۆ هەستو ۋێشا بەربڕی.
باوەڕ هەبەش: بە ڕۊبیەو ڕابەر ئاپۆی گەلو کوردی وەش بی. ئینە حەقیقەتێوەن؛ وەڵۍ جە ئەڎابیەو ڕابەر ئاپۆینە چێوۍ نەبۍ بەنامۍ گەلو کوردیوە. بەڵام پڕێنە ڕابەر ئاپۆ پېسە وەرەتاوو ئازادی جە کوردەسانەنە هۊر ئاما، گەلو کوردیچ سەرجەنۆ ژیۋاوە. ڕووە تاریکەکۍ دمایشا ئاما و ڕاو ئایندەی ئازادی ڕۊشن بیۆ. ئارۊنە بە ملیۆنان ئازادی وازۍ جە دەوورو پارادایمو ڕابەرایەتی ئازادی ئەوەکۊشا. ئینەیچ ئانەی نیشانە مڎۆ کە گەلا چېر دەسەی بیەو ۋێشا بە بیەو ڕابەر ئاپۆیۆ مویناوە.
ڕابەر ئاپۆ بە بانگەوازو ئاشتی و گلېرگەی دیموکراتیکی پارادایمێوە تازەش پێشکەش کەردیمۍ و جە سەیەو ئینەینە ئەوەکۊشایما فراوانتەر کەرد. ڕابەرایەتی ژیۋای ۋێش پەی مافو گەلو کوردی بەخشا. گەلو کوردی کە پېسە نەبیێوە حسابش پەی کریۍ جە سەیەو ڕابەر ئاپویۆ یاوان بە ئاستێوە ستراتیجی. سیستەمێوە بۍ کە بە نەبیەی تەماشەو ژەنا کوردی کەرۍ، گرڎ چێوێش چنە سانێبێڼې، بەڵام ڕابەر ئاپۆ سەرو بنەماو ئازادی ژەنۍ پارادایمی تازەش ئاردەنە ئاراوە و ئینەیچ پەی ژیۋای چێردەسا بی بە هومېڎۍ تازە. ئێمەیچ پېسە میلیتانا فیدای ڕابەر ئاپۆی گەرەکمانە سەرو هێڵۊو ژەنۍ ئازادی وەڵېگنمۍ. سەرو ئی بنەمایۍ جارێوەتەر ٤و نیسانی جە گەلا ئازادیوازی پیرۆز مکەرمۍ.
هاشم هاڤین: ڕۊبیەو ڕابەر ئاپۆی بی بە مەڵامەتو ۋۍ ئشناسای پەی گەلا چېردەسەی. گلېرگێوە کە جە گرڎو مافەکا بڕیابێرە، چنی ڕۊبیەیش سەرجەنۆ هیواش پەی گېڵاوە. پۊکەی ٤و نیسانی بە تەنیا ڕۊبیەو ڕابەر ئاپۆی نییا، هامکات ڕۊبیەو ژیۋایۊین. ستەما تەنیا بە ڕۊبیەو ڕابەر ئاپۆی ئەژمار بکریۆ، حەقەتینەکەش؛ ڕۊبیەو مرۆڤانی ئازادیوازین. ئا هومېڎەی ڕابەر ئاپۆ وەشش کەرڎ جە گرڎ ساتێوەنە گۊرە بۆ. ئینەیچ بەڕۊشنی دلۍ ئەوەکۊشاینە موینیۆ.
بیەو ڕابەرایەتی پەی مرۊڤایەتی دەرفەتێوە گۊرەن. پۊکەی مشۊم بە گرڎو بیەیماوە خاوەنداری جە رابەر ئاپۆی بکەرمۍ. پەی عال ئەنەیاواینە جە ڕابەر ئاپۆی پەنەوازا هێڵۊو هەڤاڵ زیلانۍ بە بنەما گێرمۍ. پېسە گەریلاکاو ئازادی کوردەسانی گرڎ کاتۍ سەرو ئا هێڵێوە بیمۍ. ڕۊبیەو ڕابەر ئاپۆی بکەرمۍ بە ڕۊبیەو گەلا چېردەسەی. جارێوەتەر ٤و نیسانی پیرۆز مکەرمۍ و باوەڕداریما بە ڕابەرایەتیێوە ئازادی بە ڕاو سەرکۊتەی تاجدار بکەرمۍ.
