سەعات ٥:٣٠وو وێرەگاو هیزی، جە کلەرکووکوو پانیشتوو کوردسانینە، بە ئامادەبییەی ژماریوە فرە جە نویسەر و ئەدیب و چالاک و ڕۊنامەنویسا و هۊگرا کتێبی شاروو کەرکووکینە، مەراسیموو وەڵاکەرڎەیۊ کتێبوو (کورد و فەڕەنسا)و لەتیف فاتیح فەرەجی جە هۊڵوو پەیمانگاو علیمی گەڕەکەو ئیسکانینە لوا ڕاوە.  

مەراسیمەکەنە نویسەر لەتیف فاتح فەرەج وانایۊش پەی کتێبەکە ی کەرد و دماتەر کتێبە بەش کریا ملوو ئامادەییەکارە، نویسەر تیشکەش وستە سەروو گرنگیی کتێبوو (ژیانم گردش کۊشیای بێ) سەکینە جانسزۍ.

 هەڤاڵ دارا ڕێکوزوو مەڕاسیمەکەی و وەرپەرسوو گرووپوو شاری پەی مەعریفەی، سەبارەت بە مەڕاسیموو کتێبئشناساکەی، پەی ئاژانسوو هەواڵوو فوراتی واتش: "چالاکییەکەو ئارۊیما تایبەت بۍ بە کتێبێوە نووسەر لەتیف فاتیح فەرەجی بە ناموونیشانوو ( کورد و فەرەنسا) لەتیف فاتیح فەرەج بە یۊ چا نویسەرا منریۊرە کە نویستەێش بواری جیانە هەنۍ، ئانەو ئارۊیش (کورد و فەرەنسا) گرنگا، تا تاکوو کوردی بتاوۊ وڵاتوو فەڕەنسای بوانۊوە تا زیاڎتەر بزانۊ، ئی چالاکییە جە چوارچووەو حەفتێوە ڕۊشنویرینە بۍ بە ناموونیشانوو 'ژیوای و کتێب'، ئامانجوو ئێمە چی حەفتە ڕۊشنویرییەنە ئانەن، کە وانەری بە کتێبی خاسی ئاشنا کەرمێ".

 لەتیف فاتیح فەرەج نویسەروو کتێبی و کەسایەتیی ڕۊشنویروو دیاروو پانیشتوو کوردسانی، سەبارەت بە کتێبەکەی (کورد و فەڕەنسا)، پەی ئاژانسوو هەواڵوو فوراتی واتش: "ئێمەی کورد نەتەوێوە پارچەکریێنمۍ مەنتێقێوە وێران و پارجەکریانە مژیومۍ، بڕۍ لایەنۍ هەنۍ ئێمە مافما سەرشاوە هەن یان ئاڎۍ مافشا سەرماوە هەن، ئانۍ مافشا سەرماوە هەن ویەرڎەنە ستەمشا جە گەلوو کوردی کەرڎەن پێسە ئەمریکا، بەریتانیا و فەرەنسای، زەروورا بزانمۍ چێش واچمۍ دەربارەشا و ئاڎێچ چێش ماچا بە ئێمە و کتێبەکەو منیچ سەروو کوردین و فەڕەنسای، کە دیدوو منا پەی فەڕەنسییەکا جە ٢٥ وتارێنە ئینجا دیدوو فەڕەنسییەکا پەی ئێمە، کۊو کتێبەکەی قسەکەرڎەین سەروو ئا پەیوەندییەیە کە بەینوو کوردی و فەڕەنساینە هەن و ئا کەموکوڵییا کە فەڕەنسا و وەڵاتە زلهێزەکا وەراوەروو کوردیوە هەنشا".

سـ . ز