مەردموو ئاوارەو عەفرینی کە ماوەو ٦ ساڵان جە شەهبانە مژیوا، ئەرەیاۋناشا کە بە گرڎ جۊرێوە پۍ ئازاڎیی جەسڎەیی ڕابەروو گەلوو کوردی عەبدوڵا ئۆجالانی کۊشیای کەرا و ئەرەیاۋناشا: ڕزگاری عەفرینی لکەدریان بە ئازاڎیی ڕابەر ئاپۆیۆ.
خەڵکوو ئاوارەو عەفرینی کە ماوەو ٦ ساڵان جە شەهبانە مژیوا، ماچا بە گرتەی ڕابەروو گەلوو کوردی عەبدوڵا ئۆجالانی، گەرەکشا بۍ جەگەلەکەیش جیاش کەراوە و ئەرەیاۋناشا کە حیچ هێزێوە مەتاوۆ ڕابەراتیما چنە جیا کەرۊوە.
یۆ جە پەنابەرا کەمپوو مدرامانوو شەهبای خلۆسی حسۆ، ئەرەیاۋناش کە ڕزگارکەردەی عەفرینی پەیوەسا بە ئازاڎیی جەسڎەیی عەبدوڵا ئۆجالانیوە و واتش: "ئێمە ئاوارۍ عەفرینی ماوەو ٦ ساڵان جە کەمپوو مدرامانوو شەهباینە مژیومۍ؛ گرڎ ساڵۍ جە ١٥و شوباتینە بە پیلانگێڵنیی میان دەوڵەتی کە ڕابەر ئاپۆش چنە گیریا، زامەکەما تازە بۆوە، پیلانگێڵنەکۍ نیازشا بۍ بە گێرتەی ڕابەر ئاپۆی گرڎوو گەلوو کوردی دلێنەبەرا و واوەی تاوناشۆ، پەیوەنڎیێوە بەقوەت جە بەینوو گەلوو عەفرینی و ڕابەر ئاپۆینە بیەن، چونکی گەلوو عەفرینی جە فرەو گلێرۊبیەکا ڕابەر ئاپۆینە بەشداری کەرێنۍ، حەر پۊکەی ئەرەگیرکەردەو عەفرینی درێژە پنە دەروو پیلانگێڵنی میان دەوڵەتییا، پۊکاتی تا ڕابەر ئاپۆ جە ڕوو جەسڎەییوە ئازاڎ نەکریۆ، عەفرینوو ئێمەیچ ڕزگار مەبۆ .ئێمە بە گرڎ شێوێوە پۍ ئازاڎیی ڕابەر ئاپۆی کۊشیەیمۍ و عەفرینیچما ڕزگار کەرمۍ'.
حەرپاسە فەوزی مسەفا سەرنجش وست سەروو گۆشەگیریی رەهاو سەروو ڕابەروو گەلوو کوردی عەبدوڵا ئۆجالانی و واتش: "پا ئەرەبڕیەیرە کە جە تەرەفوو وڵاتا میان دەوڵەتییوە سەروو ڕابەر ئاپۆیرە سەپیان، گەرەکشانە پەیلواکۍ ڕابەر ئاپۆی نەیاوا دەسوو گەلەکەیش. چونکی مزانا ڕابەر ئاپۆ"، مۆچیاری کەرۆنە و گرڎوو گەلوو کوردی و نەتەوەی دیموکراتیکی سەرهۊرمڎا، چونکی ویرکەردەیۆ و فەلسەفەو ڕابەر ئاپۆی پۍ قۊرتەو کوردی و گرڎوو قۊرتەکا ۋەرکەوتوو دلێڕاسەی، چارەسەری مارا. مشۊم پەی قەزیەو ڕابەر ئاپۆی، پۍ ئازاڎیی جەسڎەیی ڕابەروو گەلوو کوردی عەبدوڵا ئۆجالانی کۊشیای کەرمۍ.
سەمیرە محەمەڎە یووە تەرە جە هاموڵاتیا ئاوارۍ عەفرینی، سەبارەڎ بە گرنگی ئازاڎیی جەسڎەیی ڕابەروو گەلوو کوردی عەبدوڵا ئۆجالانی سەبارەڎ بە ژەنا، واتش: ئێمە پێسە ژەنا عەفرینی کە کۆچبەرێنمۍ شەهبانە، مزانمۍ کە جە سایەو ویرکەردەیۆ و فەلسەفەو ڕابەر ئاپۆینە، ۋێما ئشناسان. پۊکەی ئێمەیچ پێسە ژەناو عەفرینی جە شەهبانە، داوا جە گرڎوو ژەنا کوردسانی کەرمۍ بە یۆگێرتەیۆ پۍ ئازاڎیی جەسڎەیی ڕابەر ئاپۆی هەرمانە کەرا و سیستموو ئیمراڵی بێ کاریگەر کەرا و ئازاڎیی ڕابەر ئاپۆی دەسەبەر کەرا، چونکی ئازاڎیی ڕابەر ئاپۆی پەیوەسا بە ئازاڎیی ژەناوە، هەر پۊکەی ئێمە پێسە ژەناو عەفرینی بە تنی پیلانگێڵنی میان دەوڵەتی دژوو ڕابەر عەبدوڵا ئۆجالانی شەرمەزار کەرمۍ و وەعد مڎەیمۍ پۍ ئازاڎیی جەسڎەیی ڕابەر ئاپۆی درێژە بە کۊشیای مڎەیمۍ.
