سەبارەڎ بە هجومەکا دەوڵەتو تورکی پۍ سەرو ۋەرنیشتوو کورڎسانی ساڵح موسلیم جوابو پرسیارەکا ئاژانسو هەواڵی فورات (ANF)یش داوە. موسلیم ۋاتش، ئینسان گرڎ چېۋۍ جە  دەوڵتو تورکی و دڕنڎەییەکەیش چەمەرا کەرۊ و باسش چانەی کەرڎ، "کەوتېنمۍ ئاژېوە ۋېپارېزنایۊ. هەرچیېوەیچ ڕووە بڎۊ ئێمە حەتا دما نەفەس ۋېڕاگری کەرمۍ. با گەلەکەما متمانەشا بە ۋېشا و هێزەکاشا بۊ".

'حکومەتو جەنگی درێژە بە هجومەکاش مڎۊ

موسلیم ئاماژەش پانەی کەرڎ، دماو هۊرچنیەی بە پێکئارڎەو حکومەتو جەنگی، درێژە بە پلانەو ئەسڕیەی و دلېنەبەرڎەی دریۊ و ۋاتش، "چن مانگۍ ۋەڵۍ هۊرچنیەکانە باسما چانەی کەرڎ کە دووروستەیۊ دیکتاتۆری، سەرەڕۆی جە کورسی جە ڕای داڎپەروەریۊ جە تاریخەنە رووەش نەڎان. بەداخۊ پێشبینیکەرڎەکەیما راس بەرشی. ئیسە ئانەی ۋینمۍ. ئا فاشیزمە بە ساختەکاری و فێڵ کەرڎەی بە گرڎ جۆرێوە یاگۍ ۋېش حېقم کەرڎەن. پلانەو ساڵەو ٢٠١٤یش هەنە و درێژەش پنە مڎۊ. یۊ جە پلانە ئەساسیەکاش دژ بە ۋەرنیشتین. دەسشا بە جابەجېکەرڎەو پلانەو هجومەکاشا کەرڎ کە گرڎ ڕوانگېوە نائەخلاقیېنۍ و چنی حیج یاسیېۋە یۊی مەگېراوە و گرڎ کەسی کەرانە ئامانج. چېگەنە گەرەکشانە ۋېڕاوەبەری  کورڎی کە داینەمۊی سەرەکین دلېنەبەرا. دەسشا بە پلانەو ۋېشا کەرڎ. چېۋېوە پۍ ئێمە کە فاڕیۊ بیەیش نییا. ئێمەیچ پېسە گەلی بە دڵنیاییوە ۋېڕاگری مکەرمۍ".

'نمایشو هێزی ۋەڵۍ کۊبیەیۊی جە ئاستانا'

ساڵح موسلیم باسش چانەی کەرڎ، "ئینسان تەماشەو وەختی کەرۊ مۋینۊ کە دەوڵەتو تورکی پۍ گرڎو کردەوەکاش وەخت هۊرچنۊ. ٢١و حوزەیرانی گلېرۊبیەیۍ چۋار تەرەفە جە ئاستانا ساز کریۊ. فاشیزمو تورکی پېسە ئانەی گەرەکش بۊ بە کردەوەکاش نمایشو هێزی کەرۊ. پەیامش ئانەن کە متاۋۊ کەرۊش. تەنانەڎ ماچۊ متاوو ئەو سەروازا سوریای بڎەو. ئەو هێزەکا رووسیای بڎەونەو مڎۊ. ئامانجو ئەساسی دەوڵەتو تورکی زەرەر یاۋناین بە ۋېڕاوەبەری. ٢١و حوزەیرانی کۊباوە. چ قەرارۍ مڎا مەزانمېش. نتقشا ۋنە نمۍ. رەنگە ۋاتەبۊشا با کایەی ئاسمانی کریۊوە، نەک هەر پۍ فڕۊکەی بۍ فڕۊکەوانی بەڵکم پۍ ئانەی فرۊکەی جەنگیچ ئاسمان و مەنتیقەکەیرە سوڕیۊوە. حکومەتو تورکی ماچۊ کایەی ئاسمانیش پۍ کریانۊ و بە ئاسانی هجومەکاش ئەنجام مڎۊ".

قەناعەتما پاسەن کە رووسیا هەڵۋێس نیشانە مەڎۊ

موسلیم ئاماژەش بە هەڵۋێسو روسیا، ئێرانی و سوریای جە وەران ۋەر بە هجومەکا دەوڵەتو تورکی کەرڎ و ۋاتش، "روسیا ئیسە پەنەوازش بە تورکیای هەن، بە تایبەتی بە مەڵامەتو ئا گەمارۆیا کە جە ئاکاموو جەنگو ئوکرانیای وزیېنۍ سەرو مۆسکۆی. ئینە ئیتر مژارېوە میان نەتەوەییا. چونکیم نوقتۍ زوعفەش کامۍ بۊ چاوە گورزەش وەرگنۊ. تەوەقوع مەکەرمۍ رووسیا چېۋۍ کەرۊ. حەرپۊکەی بە ئاسانی متاۋا ملهوڕی وەران ۋەر بە ئێمە کەرا. چونکی پەیماننامۍ فرۍ بەینشانە هەنۍ. حەرپۊکەی دەنگ مەکەرا. رژێمو سوریایچ جگە جە قسەکا ئێرانی و رووسیای حیچ چېۋۍ تەر مەکەرۊ. یاگۍ سەرنجیا کە کەس وەران ۋەر بە هجومە دژوارەکا دەوڵەتو تورکی نتقشا جە ۋېشا بڕیەن. ٩ سەروازۍ رژێمو سوریای کوشیۍ کەس نقەش چۊوە ناما. رژێمو سوریای تەنانەڎ پەیامو سەرەوەشیچش ۋەڵانەکەرڎۊ. ۋېش جە ۋېشەنە رووسیا و ئێرانیچ حیچ چېۋۍ مەواچا.

پەشتی بە گەلەکەیما بەسمۍ، تەنیا چارەما مدرامانا

رەنگە گرڎ کەس قبوڵش کەرڎەبۊ کە تورکیا هجوم کەرۊ. بەڵام کەس وەران ۋەر پا هجومە دژوارا نتقش ۋنە نمۍ. ئاڎۍ حەرچی واچا، کەراش و جابەجېش کەرا. با تەماشەکەرمۍ کە ئەنجامو دیڎارو ئاستانای چېش بۊ؟ حەرپۊکەی ۋېما بە هێزەکا بەری وهەڵۋێسو ئاڎیشاوە مەبەسمېوە. بەڵام ئاگاڎارېنمۍ. پەشتی بە هێزو ۋېما و بەڕێکوستەبیەو گەلی بەسمۍ. ئێمە ۋېڕاگری کەرمۍ، حیچ چارېوەتەرما نیا".

نەخشەڕاو چارەسەروو، دادگاییکەرڎەی چەتەکاو داعشی

موسلێم ئانەیچش وست ڕووە، کە ئامانجی سەرەکیی وێڕاوەبەری و کوردینۍ و ئامانجۍ هجوومەکاش پێسە پۊلێنی کەرڎێ: "وێڕاوەبەری ماوۍ چێوەڵتەر چارەسەروو قۊرتەکاو سووریای و نەخشەڕێکێش ئەرەیاونا. تورکیا نە چارەسەرش پەی سووریای گەرەکا، نە گەرەکیچشا کورد دلێشەنە بەشدار بۊ. ئینجا واتیچش کە دادگاییکەرڎەی چەتە گیریایەکاو داعشیش لاو وێڕاوەبەریوە گەرەک نییا، چونکوم ئەوەڵۊ تا ئیساتۍ کرڎەوەکێش چەنی داعشی و تاوانەکێشا ئاشکرۍ با، چا دادگاییەنە کە وەرەچەماو دنیێوە کریۊ، گرڎوو ئانیشا کە فاشیزموو تورکی پەشتەو پەرڎەیۊ کەرڎێنۍ ئاشکرۍ با، پەوکای دژۍ ئینەینۍ، پەوکای کتوپڕێنە هارۍ با ودەس کەرا هجووم کەرڎەی، پاسە بلۊ یاوۊ کۊگە ئێمەیچ مەزانمۍ."

کێشیایۊ سەروازاو تورکی سەرنیشتوو سوریاینە هەنگام بە هەنگام

موسلیم ئانەیچش وست ڕووە، کە بەتایبەتیی ئیدلیبنە، ئانۍ ئینۍ وەرڎەموو سووریاینە، فرە قسێشا سەر کریێنۍ و واتش: شیکاریۍ فرۍ کریا، یۊشا ئانەن کە ڕوسیا، سووریا و تورکیا ڕێکۍ کەوتێنۍ. باسوو ئانەیچە کریۊ ‌کە بڕۍ مەنتێقاو ئیدلبی پەی ڕژێمی چۊڵ کەرا و سەروازاو تورکی هەنگام بە هەنگام سەرنیشتوو سووریاینە کێشیاوە، ڕاو ئێم فۊروو بەینوو حەڵەبی و لازقیەی کریۊوە. ئەگەرش هەن ڕێککەوتەۍ چینە بۊ. ئاشکران کە بڕێوە جە چەتەکاو واگەیە ئینەیە قبووڵ مەکەرا، ڕژێموو سووریای ئینەیە وەرەچەم گێرۊ، چەنیشا گژیۊ یان تورکیا کە چوار ساڵۍ بۍ حەوڵی دۍ بێدەنگشا کەرۊ، بە شەرتە مرڎنێشا یان نا ئانە دیار نییا. چێش بۊ ئێمە مەزانمۍ، وەلۍ تەسەووروو ڕێککەوتەی چینەی کریۊ، کە گرڎوو هێزەکاو ئاگەیە گێرۊوە."

'تا دمانەفەس مدرامان کەرمێ'

موسلیم بارەو ئەگەروو هجوومی زەمینیوە پەی سەروو هەرێمەکەی واتش، "گرڎ چێوێوە جە دەوڵەتوو تورکی و دڕندەیی و وەحشیگەرییەکەیش چەمەڕوان کریۊ. دووۍ لایەنۍ پەی ئی بابەتەیە هەنۍ، ئۊپراسیۊنی زەمینی کریۊ ئێمە وەرگێری کەرمۍ. وەلۍ دیارا کە ئۊپراسیۊنی زەمینی دژوارا و ئانەیە وەرچەم گێرا.. چونکوم ئێمە ئامادێنمۍ. جە تلرەفعەت، شەهبا و منبجنە هێزوو ئێرانی و ڕووسیای هەنۍ. هجوومی ئەرەگیری نییا بەرژەوەندیی ئێرانینە. وەلۍ ئایا ئاستانانە ڕا پانەیە مدۊ، یان نا ئینە دیار نییا و پەشتی پادیشا مەبەسمۍ پەشتی بە گەلەکەیما بەسمۍ، جیا چانەیە هیچی تەر نییا، کەوتێنمۍ دۊخوو وێپارێزییوە وێما پارێزنمۍ.. با گەلەکەما بڕوا و متمانێش بە وێش و هێزەکاش بۊ. دەوڵەتوو تورکی بە درۊن و تەکنەلۊژیاکەیش متاوۊ چند کەسی کوشۊ، وەلۍ ئیرادەو گەلەکەیما مەکوشیۊ، تورکیا گەر هجوومۍ زەمینییچ کەرۊ مەڕیۊ، هێزەکێما ئامادێنۍ، جگە مدرامانی ڕای تەرەما وەرڎەمنە نییەنە، گرڎ کەس بە هۊشیارییوە جمۊوە."

' داواکاری پەی پارێزگاری جە شۊڕشی

موسلێم باسوو ئانەیچشە کەرڎ کە، پەی بەرڎەوامبییەی دیموکراسی، تاکە هومێد شۊڕشوو وەرنیشتین، پێسە داواش ئاڕاستەو ڕای دیموکراتیکی کەرڎە: "هێزە دیموکراسییەکا و ئانۍ کە گەرەکشانە دیموکراسی بۊ، ئەگەر گەرکشانە دیموکراسی وەرکەوتوو دلێڕاسەینە وەرقەرار بۊ، مشۊم پەشتیوانێما با، چونکوم ئینە تاکە هومێدا. تورکیا، سوریا، ئێران پێسە  ڕژێمی دیکتاتۊری دژوو ئێمە هەرمانە کەرا، ئێمەیچ مدرامان کەرمۍ. حەوڵی مدەیمۍ بییەی وێما و پیمەرە دیموکراتی و ئینسانیەکا پارێزنمۍ. بە بڕواو من مافوو ئانەیما هەن کە پەشتیوانیما کەرا. ئێمە داواو ئانەیە کەرمۍ و ئانە هەرمانەو ئادیسانە. ئەگەر ئانەیە نەکەرا، پاسە فکرۍ کەرمێوە کە هەرمانەی ئینسانانۍ وێشا مەپۊڕنا."

هـ . ش / س . ز