ئەرەیاۋناکەو فەرماندەیی قەرارگەو ناوەندی پارێزناو گەلی (نەپەگە)ی پی جۆرەنە:

"بە وەهارێوە تازۆ مبارەکبایی جە نەورۆزوو جەژنەو ئازاڎیی گەلەکەیمانە کەرمۍ. جەژنەو نەورۆزی وەڵۍ گرڎ کەسێنە جە رابەر ئاپۆی پیرۆزە کەرمۍ کە ئەندێشە، ئیراڎە، رۆح و مدرامانوو ئازاڎیش بە ئێمە بەخشا، بە وەشەسیای و رێزی پۍ پایانۆ سڵام جە رابەر ئاپۆی کەرمۍ. جەژنەو نەورۆزوو گەلوو کوردسانی قارەمانی کە پەی ئازاڎیی سڵش جە حیچ قوربانیدایۍ نەکەردەنۆ، جە گەلا واڵە و برایا، جە دۆسا گەلەکەیما و گرڎوو مرۆڤایەتی دیموکراسیوازی کە بڕواشا پی نەریتیر هەن، پیرۆز کەرمۍ. جە کەسایەتی کاوەی هامچەرخینە هامڕا مەزڵوم دۆغانی کە ئا ڕووەشە بە شۊڵەچراوەو ئازاڎیی و یۊگێرتەیما بە ئێروو نەورۆزی جە جەستەو ۋێشەنە ماناڎارش کەرد، گرڎوو گەشمەرڎە قارەمانەکاما بە ئیحترامۆ یاڎکەرمێوە، وەعد واوەی کەرمێوە کە ئێمە پارێزنەرۍ ئاڵاو سەرکۊتەی گەشمەرڎا بیمۍ، دلۍ کۊشیای 'رابەرایەتی ئازاڎیی، کوردسانی ئازاڎیی'نە خاوەنداری جە یاڎوو ئاڎیشا کەرمۍ.

مزانیۆ کە سوپاو تورکی قڕکەری کە چنڎین ساڵێن جە دژوو کۊشیای ئازاڎیی گەلەکەیما جە گرڎ ئاستێوەنە هجووم کەرۆ، ئاژەو جیۆ-ستراتیژی تورکیای پێشکەش بە بازاڕ و سات و معامەلەی کەرۆ و بە پەشتیوانی سیاسی، سەروازی و تەکنەلۆجیای کە جە هێزە هەرێمی و میان نەتەوەییەکا هورش گێرۆ، حۊڵ مڎۆ سەروو کۊشیای ئێمەرە زاڵ بۆ. رژێموو فاشیستی ئاکەپە-مەهەپەی بە گۆشەگیرکەردەی گەلەکەیما و جمیەرەکەیما جە جەهانەنە، بە بێ بەشکەردەی گەلەکەیما جە دۆساش، گەرەکسا ئەنجام بەدەسبارۆ. بەڵام پێسە گرڎوو مژارەکا تەری، چی مژارەیچەنە دەوڵەتوو تورکی قڕکەری کۆلۆنیالیستی جە ۋەرا ۋەروو قەزیەو رەواو گەلەکەیمانە نەتاواش بیاوۆ بە ئاوات و دڵیش.

ئامێر و مەکینەو مەرگی؛ درۆنی سیها کە بە سەڎان ئینسانۍ ئێمەش تیرۆرۍ کەردۍ

چی جەنگە هەمەلایەنەنە جە دژوو جمیەرەکەیما، دەوڵەتوو تورکی زیاتەر پەشتیش بە سیها (فرۆکەی بێفڕۆکەوانی هجومکەری) بەست، کە بە پەشتیوانی بڕۍ جە هێزا میان نەتەوەیی تاوابێش وەشش کەرۆ. رژێمی ئاکەپە-مەهەپەی پا ئامێریە هجوومش کەرد سەروو گەریلاکاو ئازاڎیی کوردسانی و خەڵکە وڵاتپارێزەکاما و بڕواش پاسۍ بۍ کە پا چەکەیە کە تازەتەرین تەکنەلۆجیاو سەردەمیا متاوۆ بیاوۆ بە ئەنجام. بە تایبەتی بە مەکینەو مەرگی جە پانیشتوو کوردسانی و ۋەرنیشتینە جە فرەو مەنتیقە جیاجیاکانە جە دژوو خەڵکە بۍ گوناحەکەیما بە دەیان هجوومێش کەردۍ، سەڎان ئینسانۍ ئێمەش تیرۆر کەردۍ.

گەریلاکاو ئازاڎیی کوردسانی بیۍ بە خاوەنوو ئا توانایۍ کە درۆنەکا سیهای بێکاریگەر کەرا

گەریلاکاو ئازاڎیی کوردسانی وەڵۍ گرڎ چێوێنە بە هەڵمەتەی تاکتیکیە جوابوو ئا هجووما دەوڵەتوو تورکی قڕکەری کۆلۆنیالیستیشا داوە و بە مدرامانی گەورە کە سەروو بنەماو رۆحوو نەورۆزی نیشانەدریا، پلانەو ئەرەگیری فاشیزمیش سەروو پانیشتوو کوردسانی ماڕا. چنی ئانەیچە، سەرەڕاو گرڎوو حۊڵەکا دوژمنی پۍ گۆشەگیرکەردەی گەلەکەیما جە ئاستی میان نەتەوەیینە، گەلوو کوردی سیستمی موشەکی پێویسش پۍ ئی جەنگەیە دیۆ و یاوا ئا ئاستەی دەوڵەتوو تورکی وزۆ دلۍ هامسەنگیێوە. دەوڵەت و سوپاو تورکی فرە متمانەش بە درۆنی سیهاو ۋێش هەن، جە گرڎ شۊنێنە پڕۆپاگەندەش پۍ کەرۆ، پەشتی پانەی بەسۆ و حۊڵ مڎۆ هامسەنگی جەنگی فاڕۆ و جە کوردسانەنە گرڎ ڕووۍ هجوومی کۆمکوشی ئەنجام مڎۆ. گەریلاکاو ئازاڎیی کوردسانی بیۍ بە خاوەنوو تواناو ئانەی درۆنەکا سیهای بێکاریگەر کەرا. جە ١٣و شوباتوو ٢٠٢٣ێوە تا ئیسە هێزەکێما ١٥ درۆنۍ هجوومکەرۍ (سیها)ی جە جۆرە جیاجیاکاشا وستێنێرە واری.

لیستوو ئا درۆنا کە وزیێنێرە واری

١٣و شوباتوو ٢٠٢٣ جە ئاسمانوو گارەینە بەیرەقدار TB2

١٨و شوباتوو ٢٠٢٣ جە ئاسمانوو گارەینە بەیرەقدار TB2

٨و حوزەیرانوو ٢٠٢٣ جە ئاسمانوو قەندیلینە  ئانکا

١٤و حوزەیرانوو ٢٠٢٣ جە ئاسمانوو قەندیلینە بەیرەقدار TB2

٢١و حوزەیرانوو ٢٠٢٣ جە ئاسمانوو گارەینە  ئانکا

٢٢ۍ حوزەیرانوو ٢٠٢٣ جە ئاسمانوو قەندیلینە  ئاکسونگور

٥و تەمووزوو ٢٠٢٣ جە ئاسمانوو گارەینە  ئاکنجی

٨و تەمووزوو ٢٠٢٣ جە ئاسمانوو گارەینە بەیرەقدار TB2

١٧و تەمووزوو ٢٠٢٣ جە ئاسمانوو قەندیلینە  ئانکا

٣٠ی تەمووزوو ٢٠٢٣ جە ئاسمانوو قەندیلینە  ئاکنجی

١٥و ئابوو ٢٠٢٣ جە ئاسمانوو مێڎانوو گەشمەرڎە دەلیلوو ۋەرنیشتوو زاپینە  ئانکا

٥و تشرینوو دووەموو ٢٠٢٣ جە ئاسمانوو زاپی/ مەڕەو زامڎارا  بەیرەقدار TB2

٦و تشرینوو دووەموو ٢٠٢٣ ئاسمانوو مێڎانوو گەشمەرڎە دەلیلوو ۋەرنیشتوو زاپینە  ئاکسونگور

٢٨و کانوونوو یووەم و ٢٠٢٣ ئاسمانوو مێڎانوو گەشمەرڎە دەلیلوو ۋەرنیشتوو زاپینە  بەیرەقدار TB2

١و ئادارو ٢٠٢٤ جە ئاسمانوو زاپی/چیارەش فڕۆکەی بێفڕۆکەوانی هجومکەروو جۆروو ئانکای جە تەرەفوو هێزەکاماوە دلێنەبریا.

دیمەنوو وستەیرەو درۆنەکا سیهای تۆمار کریێنۍ، دماتەر وەڵۍ کریاوە

جگە جە بڕۍ چالاکیا کە بە مەڵامەتوو کێشەی تەکنیکیوە دیمەنەکێشا تۆمارنەکریێنۍ، دیمەنوو گرڎوو چالاکییەکا تەری تۆمارکریێنۍ و چا دیمەنانە بە شێوێوە ڕۊشن وینیۆ کە ئامێرە ئاماژەپنەکریێکۍ دوژمنی کۊتێنێرە وار. دیمەن و بەڵگەکۍ چالاکیەکا جە تەرەفوو ناوەنڎوو ئەرەیاۋنای و چاپەمەنی هەپەگەیۆ پۍ گەلەکەیما و رای گرڎیی وەڵۍ کریاوە.

چی قۆناغە تازێنە کە بە نەورۆزۆ پاش وزمۍ دلۍ، سەروو ڕاو ئازاڎیی پۍ گەلوو کوردسانی، ڕێوە کریێنۆ و جە هەڵمەتەو ئازاڎیی پۍ رابەر ئاپۆی، چارەسەری پۍ پرسوو کوردینە گوزارشت جە ئاستێوە ئێژای کەرۆ. سەروو ئا بنەمایۍ نەورۆزوو ٢٠٢٤یچ بۆ بە سەرەتاو قۆناغێوە تازۍ. چی قۆناغە تاریخیێنە کۊشیای ئازاڎیی گەلەکەیما جە قۆناغێوە ئێژاتەرەنە ملۆڕاوە. هەپەگە ئا دەورەیە جابەجێ کەرۆ کە گنۆ سەروو شاناش، بە ئامانجوو ئازاڎیی رابەر ئاپۆی بە پاو رۆحوو سەردەمی سەروو خەتەی راسۍ ئەرکەکا سەردەمی بە سەرکۊتەیی جابەجێ کەرۆ. چی ڕوانگۆ ئێمە جە دژوو گرڎوو ئا هێزا کە گەرەکشانە واڵەو-برایەتی گەلا و ئازاڎیشا وزانە مەترسیۆ، جە گرڎ وەختۍ زیاتەر پا گیرینمۍ و دەوروو ۋێما جابەجێ کەرمۍ، رژدبیەی و قەرارداریما جە گرڎ وەختۍ زیاتەرا. ئارۆ ماتەوزەو جەنگکەردەی ئێمە بە دەرفەتوو تاکتیکی و تەکنەلۆژیایی و پێرفۆرمانسی بەرزۆ، قەرارداری ئێمە پۍ مسۆگەرکەردەی سەرکۊتەی هێقمتەر و بەقوەتتەر بیەن.

ئێمە مژدەو نەورۆزی چنی گەلە وڵاتپارێزەکەیما و دۆسەکاما هامبەشی کەرمۍ و سەروو ئا بنەمایۍ نەورۆزوو ٢٠٢٤ کە نەورۆزوو هەڵمەتەو ئێژاو ئازاڎییا، جە گرڎوو گەلە وڵاتپارێزەکەیما، هامڕایاما کە جە زینڎانەکانە، کەشەکانە و گرڎوو مێڎانەکا کۊشیاینە ۋێڕاگری کەرا و جە ڕاپیمای سەرکۊتەی تاریخی و هەڵمەتەو ئازاڎکەردەی رابەر ئاپۆی و کوردسانینە، هیواو سەرکۊتەی پۍ گرڎ لایۍ موازمۍ".