ناوەندی کەلتووری میزۊپۊتامیای بە بۊنەو ٣٢ ساڵەو ئەرەمەرزنایشەوە، قەرار بۍ  ناوەندو نیشانگەو یەحیا کەمال بەیاتلینە کۊنسێرتێوە کەرۊ، وەلۍ ناحیەو کوچوک چەکمەجەو ئەستەنبوڵی بەبۍ هیچ هۊکارێوە کۊنسێرتەکەش قەڎەغە کەرد. ناوەندەکە سەبارەت بە قەڎەغەکەرڎەکەی کۊنفڕانسێوە ڕۊنامەوانییش کەرد و ئەرەیاوناێوەش واناوە.

هاموەخت چەنی هونەرمەنداو نەچەمەی، هەرپاسە ئەرەمەرزیاو ئەوەکۊڵیای زانستی، پەروەرڎە، جوانیشناسی، هونەر و کولتوورو بەکساڤی، گرووپو هەڤرای، گرووپوو عیسیان ئاتەشی، سەنتەرو ڕۊشنویری و هونەریی گۊڵگە، هونەرمەند قادر چات، هامقسەکەروو کۊنگرەی دیموکراتیکوو گەلا هەدەکەی جەنگیز چیچەک، کۊمەڵەو کوردشناسی و ئەنداماو کۊمەڵەو ئەوەکۊڵیای مارمارای پەی پەشتیوانی وەنەو بنەیانەو دەسبەسەرکریایا و زیندانییا بەشداریییشا جە کۊنفڕانسە ڕۊنامەوانییەکەنە کەرد. ئەرەیاونایەکە لاو ناوەندو کولتووری و هونەری گۊڵگە رەوشەن ئاپایدینێوە ونیاوە.  

 ئاپەیدینە واتش، کە بییەی زوان، کولتوور و هونەری فرە گرنگا. واتش، جە ڕۊو ئەرەمەرزنای نەچەمەیوە تا ئیساتۍ ماوەو ٣٢ ساڵان سەیەو مدرامانی و کۊشیای ویشنە، پارێزگاری وەنەو کولتووری و هونەری کوردی کەرۊ، ئی نەریتە مدرامان و کۊشیایە ییەن مایۍ هومێدی پەی گردوو ئا کەسا کە چی وەڵاتەنە مژیوا."

ئاپایدنە واتش:"پێسە مزانییۊ کە خەباتکاراو نەچەمەی بە دروشموو "ڕۊی ئازاد، هونەری ئازاد" گەرەکشا بییەن کۊنسێرتێوە گەورە جە ناوەندوو نیشانگەو یەحیا کەمال بەیاتلینە پەی یادوو ٣٢ ساڵەو ئەرەمەرزنای نەچمەی کۊنسێرتێوە گەورە کەرا. وەلۍ پێسە ساڵی ویەرڎەی پارێزگاروو کوچوک چەکمەجەی بە سیاسەتوو قەڎەغەکەرڎەی، نکۊڵی و ئاسمیلەکەرڎەی، مەراسیموو ساڵڕۊو ئەرەمەرزنای ناوەندەکەیماش پەی ماوەو دووۍ ساڵا قەڎەغە کەرڎەن.

ئاپایدنە درێژەو قسەکاشنە واتش:"قەرارەکە قەرارێوە سیاسی و بێبنەما و هەڕەمەکیین، پەوکای ئێمە بەڕۊشنی ماچمۍ ئی قەرارە پەی ئێمە حیچ مانێوەش نییەنە. چونکوم هونەر بە هیچ نۊعێوە قەڎەغە نییا. ئینە درێژەو گۊشەگیریی سەدەی وەڵینین. هجووم و گۊشەگیری دژوو گردوو ئیرادە و بەهاکاو کۊشیای ئازادیی گەلوو کوردین. هەرچندە کۊنسێرتەکەما قەڎەغە کریان، وەلۍ پێسە خەباتکاراو نەچەمەی، سیاسەتوو گۊشەگیری و قەڎەغەکەرڎەی مەشناسمۍ. بە گۊرانییۍ و سەماکەرڎەی گردوو وەربەسەکاو وەرڎەموو کولتووری کوردی ورگێرمۍ و دژوو عەقڵیەتی قەڎەغەکاری، درێژە بە کۊشیایما مدەیمۍ."

 ئاپایدینە ئاخروو قسەکاشنە واتش:" چا چوارچوەنە ئارۊ سەعات ١٨:٠٠ هۊڵەکاو دەم پارتیینە باغچلار و سانجاقتەپەنە کۊنسێرتەکۍ ملا ڕاوە و داواشا وەنەو ڕای گردینی کەرڎە بەشدارۍ کۊنسێرتەکا با.