سەرەڕاو وارای وەروێ مەنتێقەو ئەلکێی شەرناخینە، بنارو کەشو کاتۆینە ئاهەنگو نەورۆزی کریا، سەرەڕاو وەروەکێ دەیان هاموەڵاتێ دەگایەکاشاوە تا مەیدانو نەورۆزی ڕاشا پیما. سەرەڕاو وارای وەروێ سەدان هاموەڵاتێ مەیدانەکەنە مەنێوە و بەجۆشو نەورۆزیوە ورپڕێ.

کاندیدو هامسەرۆکو شارەوانیی ئەلکێ، عەگید یەگیت واتش: "ئینە ئاویرو کاوەو ئاسنگەرین و هەرگیز نمەکوشیۆوە، ئانێ گەرەکشانە ئی ئاویرە بکوشناوە دلێنە مشا".

پەرلەمانتارو دەم پارتیی شەرناخی، نەورۆز ئویساڵ ئاسڵان پەیامو ڕابەرو گەلو کوردی عەبدوڵا ئۆجالانی  کۆبییەیۆکانە واناوە.

هامسەرۆکی گردینو هەدەپەی، جەمال کیرکازاک ئەرەیاوناش دەوڵەتو تورکی ڕوانە ئامادەکاری پەی کۆکوشی مکەرۆ و واتش: "بانگەواز وەنەو پەدەکەی مکەرو، نەبا بە هامبەشو کۆکوشییەکا. بەشداریی هامپەیمانیی کوردی بکەرا. کەس بە گەمەو دەوڵەتی نەخەڵەتیۆ".

هەرپاسە ئەرەیاوناش هەرگیز دەوڵەت چیوی خاسش پەی گەلو کوردی نەکەردەن و داواش ئاشتی نەبییەن، واتش: "ئەگەر ئادێ دووەڕوێ نییەنێ، ڕابەرو گەلو کوردی بەڕێز عەبدوڵا ئۆجالان پەی دایوسانای ئاشتی ئامادەن". 

ئاهەنگەکە بە گۆرانیێ و ورپڕای بەردەوام بی.