ئاهەنگو نەورۆزی مەیدانو نەورۆزو شقەیفو حەلەبینە بە بەشداریی هەزاران هاموەڵاتا لوا ڕاوە.

میانەو ئاهەنگەکەینە، ئەندامو مەجلیسی گردینو پارتو یۆبیەی دیموکراتیک (پەیەدە)ینە، محەمەد شێخۆ واتش: "ئایرو نەورۆزی هەمیشە گەشیاوەن، ئەرەگیرێ هەوڵێشا دێ  بکوشناشۆ. بەڵام مدرامانو گەلو کوردی و پارێزنای بییەیشا سەرو ڕابازو گەشمەردا و ویرۆکەو ڕابەرو گەلو کوردی عەبدوڵا ئۆجالانی، ئی هەوڵە شکسش ئارد."

فاتمە ئەلحسینۆ، ئەندامەو ڕاوەبەریی نویسگەو پەیوەندییەکاو مەجلیسو سوریای دیموکراتیکی نەورۆزش وەنەو ڕابەرو گەلو کوردی عەبدوڵڵا ئۆجالانی و هێزە سەروازییەکا و گەلو کوردی مەبارەک کەرد و واتش: "جە مانگەو ئادارینە عەفرین ئەرەگیر کریا، چەنی ئانەیچە پەشتڕاسش مکەرمێوە، کە گرد ساڵێو ئایرو نەورۆزی مگەشیۆوە و بە گردو جیهانیرە ئەرەیاونمێش، کە کەس نمەتاوۆ ئی گەلەیە دلێنە بەرۆ، کە ساعیب ویرۆکە و فەلسەفەو ڕابەر عەبدوڵا ئۆجالانین و سەرو بنەماو مدرامانی و کۆشیای وەش بییەن.

ئاخین تۆڵهڵدان جە فەرماندەکاو یەکینەکاو پارێزنای ژەنا (یەپەژە) قسێش کەردێ و دڵنییایش دا جە وەرفراوانکەردەی کۆشیای تا ئازادیی جەستەیی ڕابەرعەبدوڵا ئۆجالانی.

هەرپاسە ئەندامەو دەسەو سەرۆکایەتیی پەیەدەی، فۆزا یوسفە، قسێش کەردێ و نەورۆزش وەنەو ڕابەرو گەلو کوردی عەبدوڵا ئۆجالانی مەبارەک کەرد و واتش: "هێزە تاریکەکێ و سیستمو دەسەڵاتداری بە گرد شێوێوە گەرەکشابێ مدرامانو ڕابەر ئۆجالانی دلێنە بەرا. بەڵام گەل بە ویرۆکەکاو ڕابەرەکەیش کۆشیایش کەرد و وێش ڕێک وست، پی شێوە پلانەکێش دلێنە بەردە."

ئاهەنگەکە بە پێشکەشکەردەی بەرهەمو هونەرمەندا بە جۆشۆ درێژەش بێ.