بە بەشڎاریی هەزاران کەسا جە چوار لاو کوردسانیوە نەورۊزوو ێ٢٠٢٣ قەندیلی بە دروشموو "بە بەقووەتکەرڎەی کۊشیای پەیامنامەو سەدەی دلێنە بریۊ و کوردسان پارێزیۊ" بەجۊشوخرۊشەوە دەسش پەنە کرد.

جە هیزیوە بە هەزاران کەسۍ جە سەرنیشت، پانیشت، وەرنیشت و وەرکەوتوو کوردسانیوە ڕووەشا کەرڎە قەندیلی بە مەبەسوو مەبارەککەرڎەی نەورۊزی.

شەوەی ویەرڎۍ گەنجۍ بە ڕاپیمای بەمەشخەڵۊ ئاویروو نەورۊزیشا کەرڎۊ و ئارۊیچ بەڕسمی ئاهەنگوو نەورۊزی دەسش پەنە کرد.

مەیدانوو نەورۊزی بە ڕسمەکاو ڕابەروو گەلوو کوردی "عەبدوڵڵا ئۊجالان" عەلەمەکاو پەکەکە، کەژەکە، پاژک، هەپەگە، یەژاستار و کەجەکەی ڕازیێنێوە.

مەراسیمەکە بە دەیەقێوە بێدەنگی پەی ڕێزگێرتەی جە یادوو گەشمەردا و بە کەرڎەیۊ ئاویروو  نەورۊزی لاو بنەیانەو گەشمەرداوە دەسش پەنە کرد.

مەراسیمەکەنە پەیامەکاو کەجەکە، کەژەکە و تەڤگەروو ئازاڎی ونیێوە.

جە بەرنامەو نەورۊزوو ئێساڵوو قەندیلینە گرووپوو مۊسێقاو مەخمووری، گرووپوو ئاوازوو چیای، گرووپوو مۊسێقاو ئاژوانی حەرپاسە هونەرمەندۍ "لوقمان سەلیم، فرمێسک، عادل هەورامی، ژینا سەقزی و ئەحمەد سەنگاوی" ملا سەروو سەکۊی و گۊرانییەکاشا پێشکەش کەرا.

مەراسیموو نەرۊزی بە جۊشوخرۊشۍ فرەوە درێژەش هەن.

س.ز