پارتو چەپی سەوزی ئەرەیاۋناش، ۋەڵۍ ھورچنیەکا ١٤ و ئایاری هەڕەشۍ فرۍ جە چەمڎارا پارتەکەیما و نوێنەرەکاما کریۍ و ئەرەیاۋناش، 'تایۍ ترۊمبېلەکا بە شێۋېوە پلان پۍ مجیایرە یۊ دماو یۊی پەنجەرۍ بېنۍ و تەقېنۍ".

ڕۊو یەرەشەممەی جەمۍ ڕەگەزپەرسۍ ھجومشا کەرڎ سەرو چوۋار دەنگدەرا کورڎی، کە  جە بنکەو دەنگداینە ئېنۍ جبەر و زامڎارېشا کەرڎۍ.

سنوقەکۍ دەنگدایشا ج 'دیتیب' نیېنێرە، کە ناۋەنڎێوە سەر بە ئاکەپەین

ڕژێمو ئاکەپە - مەهەپەی سنوقەکۍ ھورچنیەیش جە ناۋەنڎەکا ڕێکوزیاو یۊبیەی ئیسلامی تورکی پۍ ھەرمانو کاری ئایینی (دیتیب / DÎTÎB)نیېنێرە، کە ناۋەنڎېوە سەر بە ۋېشانە و پانەیچ گومانەی فرېشا وەشکەرڎېنە.

حەر چوۋار کورڎە زامڎارەکە ڕەوانەو بەشو فریاکۊتەی خێرای کریۍ و شەکواشا تۊمارە کەرڎە. ڕاۋەبەری ئاسایشی گرڎی بەمەڵامەتو تنوتیژیی جە یاگۍ گرڎی و جەماوەرینە ڕاو شۊنی یاساییش دژوو ئا ھجومو و تنوتیژییانە گېرتەنە وەر. حەرپاسە ئەرەیاۋیا، کەسێوە بە تۊمەتو ئەرەتەقنای تایەو ترۊمبېلەکاوە گیریا.

۳ۍ نیسانو ۲۰۲۱ینە، گروپێوە دەموچەم ھوربەسیۍ ھجومشا کەرڎ سەرو جەمېوە کورڎی.

پارتو چەپی سەوزی "ئی ھجومشا دژ بە دیموکراسی ئیڎانە کەرڎ."

گلېرگەو دیموکراتیکی کورڎی جە فەڕەنسا (جەدەکە - ف) بەیاننامېوەش ۋەڵاکەرڎۊ و داواش جە دەسەڵاڎدارا فەڕەنسای کەرڎ، کە جەمە کورڎییەکا و ئەنڎاماشا جە فەرەنسا پارېزنا.

جە بەیاننامەکەنە ئامان، ئەگەر ڕژێمو ئەردۊغانی چی ھورچنیەنە شکس بارۊ، ئانە ئەگەرش فرەن نەژاپەرس و ڕەگەزپەرسەکۍ ھجومکەرا سەرو جەمەکاشا.

ھ .ش