پەرلەمانتارو جۆلەمێرگی جە پارتو چەپی سەوزی وەزیر پارلاک سەبارەڎ بە گۆشەگیر سەرو رابەرو گەلوو کورڎی عەبدوڵا ئۆجالانی، قەیرانەو ئابووری، هەرمانە و بەرنامەکا هەدەپەی و پارتو چەپی سەوزی قسېش پۍ ئاژانسو هەواڵی فورات (ANF)ی کەرڎۍ.

پەرلەمانتارو جۆلەمێرگی جە پارتو چەپی سەوزی وەزیر پارلاک باسش چانەی کەرڎ کە خراپ ڕاوەبەرکەرڎەی ئابوری و سەرچەمەکا ئابوری ۋڵاتەکەی کە ئینا دەسو گروپێوە گولانەینە، دەس و گەلینە بەرئامېنۍ و جە ڕاو دەستورێوە هەمیشەیی دیموکراتیکیوە ڕاوەبەر مەکریا.

پارلاک ئانەیچش وست ڕووە کە گرڎو ئانیشا کە پۍ مافی و داواکارییە دیموکراتیەکاشا کۊشیا، بەتایبەت گەلوو کورڎی، جە ڕاو تاوانبارکەرڎەی و جە ئاکامو قوڵکەرڎەیۊ قەیرانەی سیاسیە و سیاسەتی جیاکاری، جە سەرمایەگوزاری بێبەش کریېنۍ. پارلاک ۋاتش، پۍ سیاسەتی ئەمنی و سەروازیچ بودجېوە فرە تەرخان کریان.

پارلاک ئاماژەش پانەی کەرڎ کە دەسەڵاڎ پۍ پەردەپۆشکەرڎەی قەیرانەو ئابوری، جە ڕاو وەشکەرڎەی فرۊکەی بێفڕۊکەوانی و کەشتی جەنگیوە حۊل مڎۊ رەوایەتی بە قەیرانەکا بەخشۊ. پارلاک ئانەیچش وست ڕووە رەنجکېشۍ و هەژارۍ و کەمدەرامەتۍ بەمەڵامەت و ئا ئاژەیۊ کاریگەریی فرەشا سەر وەش بیەن.

'کورڎ سەرو سنوقیوە جوابو سیاسەتو نکوڵیکەرڎەی و ئەسڕیەیۊیش داوە"

پارلاک باسش چانەی کەرڎ کە گەل سیاسەتو فشاریشا بە رێژەو سەڎەنە ٤٨و ۋڵاتەکەی بە شێۋېوە ئاشکرا ئارڎەن سەرو زوۋانی و هجومەکۍ سەرو دیموکراسیشا قەبوڵ نەکەرڎېنۍ و ۋاتش، "کورڎ سەرو سنوقەکاوە وەران ۋەر بە سیاسەتی ئەمنی و سیاسەتو نکوڵی و ئەسڕیەیۊ وەران ۋەر بە پەرسو کورڎی، ناڕەزایی گۊرەشا بەربڕیەن".

'ئێمە شان بە شانو گەلی گوڕوتین بە کۊشیای مڎەیمۍ'

پارلاک ماچۊ؛ هجومەکۍ دژ بە کۊشیای ئازاڎیی کورڎی، هجومۍ درێژمەودېنۍ و پی جۊرە وەردەوام بۍ، " دژوو ئا هجوما مشۊ شان بە شانو گەلی بەرنامېوە درێژمەودا دیاری کریۊ. چی مەرحەلەو دماینە ئامانجو سەرەکی ئۊپەراسیۊنو پاکتاوی دژ بە رێکوستەکا شاری و مەنتیقەکان. ئێمە جە ئاینڎەنە بۊنەو گەلېوە زیاتەر کۊبیمېوە، گفتوگۊ مکەرمۍ و بە دیاریکەرڎە و مجیایرە بەرنامېوە متاومۍ کۊشیایما گۊرەتەر و بەگوڕتەر کەرمۍ".

'ئامانجو گۆشەگیری ڕاگرتەین جە چەسپناو ئاشتی جە وەرکەوتوو میامینینە

پارلاک باسش چانەی کەرڎ کە مشۊم گرڎ پاشێلکارییە یاساییەکا جە سیاسەتی گۆشەگیرینە ۋینمۍ و پی جۊرە وەردەوام بۍ: "پەیڕەوکەرڎەی ئا کرڎەۋە نایاساییەیە، تەمامو ۋڵاتەکەی رووبە ڕوو کرڎەۋەی نایاسایی مکەرۊوە. ئامانجی سەرەکی ئانەی بریتین چانەی کە گەرەکشا نیا راسیەکا جە لایەنو کاراکتەرێوە گرنگی کە متاۋۊ ئاشتی جە وەرکەوتوو دلېڕاسەیەنە مسۆگەر کەرۊ، بېنە زوۋان پۍ ئانەی ئا قسۍ کاریگەری نەکەرا سەرو گەلا وەرکەوتوو میامینی. ئا سیاسەتو گۆشەگیرییە جە هەمان وەختەنە گۆشەگیرین سەرو داواکاری گەلا وەرکەوتوو میامینی پۍ ئاشتی کۊمەڵایەتی. جە ڕاو گۆشەگیری ئیمراڵییوە گەرەکشانە پەیامێوە بڎا ئاڎۍ وەران ۋەرو ئیراڎەو قەرارداینە وەرگە مەگېرا و پشوودرێژۍ مەبا".

هــ . ش