جە ساڵیادوو کۊکوشیەکەو ٢٣ کانوونوو یوەموو ٢٠٢٣ چالاکیۍ ساز کریۊ. ئەنداماو تەڤ-چاندی پاریسنە و ئەنجوومەنوو گەلوو درانسی سەردای بنەیانەکا و کاسبکاراشا کەرد، تا بەشداری جە چالاکییەکانە کەرا.
٢٣ۍ کانوونوو یوەموو ٢٠٢٣ پایتەختوو فەڕەنساینە جە سەرمەشقەکاو جمیەروو ژەناو کوردی ئەڤین گۊیی (ئەمینە کارا)، هونەرمەند میر پەروەر (محەمەد شیرین ئایدن) و وەڵاتپارێزن عەبدولرەحمان کزڵ جە ناوەندی کولتووروو کوردی ئەحمەد کایاینە تیرۊرۍ کریۍ.
جە ساڵیادوو ئا کۊکوشییەینە ڕاپیماێوە ناوەندی ساز کریۊ. بە مەبەسوو خوڵککەردەی پەی بەشداری چا ڕاپیماینە بنەیانەکۍ و کاسبکارۍ کریێوە سەر.
ئەنداماو ئەنجوومەنوو گەلی جە درانسی و تەڤ-چاندوو پاریسینە، کە هونەرمەند فارقین و نوارینیچ دلێشەنە بێنۍ، جە مەنتێقەو درانسیی پاریسینە سەردای کاسبکارا و بنەیانەکاشا کەرد و ئا بروشەرۍ ئامادێشا کەردێبێنۍ، بەشێشا کەردۍ.
