پارێزنەرێ بە مەبەسو لوای پەی ئیمراڵی داواکاریی تازەشا پێشکەش کەرد
پارێزنەرا ڕابەر ئاپۆی پەی ئانەی تاوانە چەمشا بە موەکیلەکەیشا گنۆنە کە جە زینانو ئیمراڵینە گۆشەگیر کریان، داواکاری تازەشا بەرزکەردۆ.
جە پارێزنەرا نوسینگەو یاسایی سەدەی جەنگیز یورەکلی، رەزان ساریجا، رازیە ئۆزتورک، فایەق ئۆزگور ئەرۆڵ، سوزان ئاکیپا و مەزڵوم دینچ بەمەبەسو دیداری چنی ڕابەر ئاپۆی سەردانو داواکاریی گرڏی کۆماری جە بورسای و ڕاوەبەرایەتی زینانو ئیمراڵییشا کەرد.
هەر جە داوکارییەکاشانە پارێزنەرا پەی دیداری چنی موەکیلەکا تەریشا جە ئیمراڵی عومەر خەیری کۆنار، حامیلی یەڵدرم و وەیسی ئاکتاشیش هەمان داواکاریشا بەرزکەردۆ.
داواکاری پارێزنەرا و بنەیانەکا پەی ئەنجامداو دیداری بە شێوێ سیستماتیک و بێ بنەما ڕاگیریش ونە کریۆنە و حیچ جوابێشا مەدریۆوە و بە پاساوەو 'گۆشەگیری' داوکێشا ڕەتکریاوە.
