پارێزنەرەکۍ پەی ۋینای عەبدوڵا ئۆجالانی داواکاریشا پێشکەش کەرڎ
پارێزنەرەکۍ رابەرو گەلوو کورڎی عەبدوڵا ئۆجالانی پۍ ئانەی کرېگرتەکەیشا ۋینا کە ئینا چېرو گۊشەگیریێوە دژوارینە، داوېوە تازېشا بەرزکەرڎۊ.
پارێزنەرۍ نۋیسینگەو یاسایی سەڎەی "ئیبراهیم بیلمەز، رازیە ئۆزتورک-ە، عەمران ئەمەکچی جەنگیز یورەکلی" بەمەبەسو چەمپنەکۊتەی داواکاریشا پێشکەش کەرڎ.
پارێزنەرەکۍ پۍ ئانەی کرېگرتەکاشا "عەبدوڵا ئۆجالان، عومەر خەیری کۆنار، حامیلی یەڵدرم و وەیسی ئاکتاش"ی ۋینا کە ماوەو دوۋۍ ساڵان زانیاری جەبارەشاوە وەردەس نیا، سەردای داواکاریی گرڎی کۊماری بورسای و ڕاوەبەری جابەجێکەرڎەو سزاکا ئیمراڵیشا کەرڎ.
نۋیسینگەو یاسایی سەڎەی و خانەواڎەکەش جە ٢٥و ئادارو ٢٠٢١یوە حەتا ئی وەختە نەتاۋانشا زانیاری جەبارەو رابەرو گەلوو کورڎی عەبدوڵا ئۆجالان-یوە بەدەسبارا.
پارێزنەرەکۍ جە یاۋنەریەکەو دوۋۍ ئایارینە باسشا چانەی کەرڎەبۍ، سەرەڕاو گرڎو داواکاری و حۊلەکا پارێزنەرا و خانەواڎەکایچ، سەبارەڎ بە ئاژەو ژیای و تەندروستی عەبدوڵا ئۆجالانی و ٣ کرېگرتەکەی تەریما جە ئیمراڵی زانیاری وەردەس نیا. ئا ئاژە ئێمە و گرڎو گلېرگەی نیگەران مکەرۊ".
هـ . ش
