پاژک ئەرەیاوناش، بییە داراو کەسایەتیێوە، کە بە بەشڎاریی سروشتیی وێش ژیوا. بە هەڵوێستی فەرماندارانە و سەرمەشقەو نوێنەرایەتیی خەتەو سەرکەوتەی کەرۍ. بە زانیاری و هۊشمەندیی وێش، ئەکادیمیاێوە ئایدۊلۊژی – سەروازییە بۍ.
دەسەو ڕاوەبەریی پارتوو ئازادیی ژەناو کورڎسان (پاژک)ی ئەرەیاوناش، " گەشمەرڎەبییەی ئەندامەو ئەنجوومەنوو پاژکیما، ئەندامەو دەسەو فەرماندەیی یەژا ستار-هەپەگەی هامڕا لەیلا سورخوێنە-هامیەت یاڵچین کایا، کاریگەریێوە گەورەش سەروو حیزبەکەیما و گەلەکەیماوە وەش کەرد. جە کەسایەتیی هەڤاڵ لەیلێنە، ئێمە بە ڕێز و پەنەزانیۊ یادوو گەشمەرڎاو شۊڕشی کەرمێوە و سەرەوەشیی جە حیزبەکەیما و بنەیانەکەیش و گەلەکەیما کەرمۍ.، هامڕا لەیلا جە کانوونوو دووەموو ٢٠٢٣ جە بەستانە بە ئیرادە و ورەی فیدایانە جە دژوو ئۊپەراسیۊنەکاو دوژمنینە گژیا و گەشمەرڎۍ بییە. ژیوای ۳۰ ساڵەی گەریلاییش، هونەرێوەن، کە ژەنیوە بە ئیرادە و ڕەنڤجوو وێش وێش سەرجەنۊ بنیات بنیۊوە جە ئامەدۊ بە عومرێوە فرە گەنجۊ ڕووەش کەردە چیا ئازادەکاو کورڎسانی و بییە بە یاگۍ سەرجەنۊ پەیدابییەیۊش.
ئێمە شۊنکەوتۍ فەرماندەکێما هامڕا لەیلا، کە وەشەسیۍ و شەیداێوە ئازادیینە پەی گردوو ژەنە کۊشەرا وپەی ئێمە سەرچەمەو فێرکەردەی بۍ، قەرار مدەیمۍ، کە شایستۍ یادی و ویرەوەرییەکاش بیمۍ."
جە ئەرەیاوناکەینە ئامان: "هامڕا لەیلا جە و سروشت و جەهەروو وێشنە تەسەوروو ڕابەرایەتییش پێسە شکڵی ژیوای ئایدۊلۊژی پەی وێش پێناسە و دیاری کەردەبێ"، ئانەیچش دلێنە ئامان: "بییە باە داراو کەسایەتیێوە، کە بە بەشداریی سروشتی وێش و بەهایەکاشۊ ژیوا. بە هەڵوێستی فەرماندارانە و سەرمەشقانەو وێش نوێنەرایەتیی خەتەو سەرکەوتەیش کەردە. چەنی زانستی و هۊشیاریی وێش، بە تەنیا وێش ئەکادیمیایێوە ئایدۊلۊژییە و سەروازییە بۍ. بە بنەما و توخمەکاو ئازادیی ژەنا و بە بێهامتابییەکەیش وێش پەی سەرجەنۊ بنیاتنیایۊنە، کاریگەریێوە گەورە وەشەسیای و بەهایەکاش سەروو گردوو هامڕایەکاشۊ بۍ. جە خەبات و کۊشیای ئێمەنە پەی ئازادی، کە هێزەکاو پارێزنای گەلی گەل هەرمانێوە بنەڕەتییە و ژیواییە کەرا، ئاڎە جاگە فەرماندەیی کەرۍ هەرمانەی سەردەمییانۍ وێش سەرکەوتانە کەرۍ. هەرمانە ناوەدییەکاو پاژکی حیزبەکەنە و هەم بوارەکانە کە وەڵتەر هەرمانەش چەنە کەردێبێنۍ بە وەرپەرسبییەێوە گەورەوە ڕسیی ڕابەرایەتینە پاسە ژیوێنە.
جە ئەرەیاوناکەو پاژکینە چا بارەیچۊ ئامان:
چەنی هامڕا ژەن و پیایەکا، کە پێسە شۊڕشگێڵنا و جەنگاوەراو ئازادی جە جە گرد ڕوۍ ژیوای حیزبەکەیمانە قەرار و وەعدوو سەرکەوتەیش دا. پەرۊشەو بەشداریکەردەی بۍ پێسە گەرمیی چالاکییە یووەمین و ئەوەڵینەکادا بەڵێن و سۊزبەخشی سەرکەوتەی دۍ، دایمە بە زوانی نهێنیی یۊتررین ئشناسای ژیوۍ. پەی ئازادی حەرچێوۍ زەروور بییۍ بە خاستەرین نۊع کەرێش. وەشەسیۍ بۊتانی بۍ. سەروو پارچێوە خاکوو بۊتانی، کە جە کۊشیای گەریلاینە یاگیوە ستراتیژییەش هەنە ئازادییش وەش کەرد. پێسە فەرمانسێوە ژەنۍ، کە چەنی کولتووروو بۊتانی ئامیتۍ بیێبۍ، بە تایبەتمەندییە گەلییەکا و دادپەروەرانەکاش یاگۍ وێش دلۍ دڵوو خەڵکینە کەردێبێوە. وەشەسیای و عەشقوو کۊشیایش فاڕاوە پەی دلۍ ژەنا. پێسە فەرماندێوە مەیڎانوو بۊتانی دژوو ئۊپەراسیۊنوو جەردەوانەکا، سیخوڕەکا، تۊڕەو هەواڵدەرەکا و سوپای فاشیستی، بە هەنگامە و چالاکییەکاش جە کورڎساننە پاشەکشێش بە فاشیزمی کەردە. بییە بە زوانوو ڕێکوستەی گلێرگەی بییە بە سمبولەو ڕێکوستەی گلێرگەی، بییە بە سیمبولەو مدرامانوو خەتەو ڕزگاری.
وەشەسیایش پەی ژیوای و دڵسۊزییش پەی ئازادیی ژەنا، هامڕا لەیلاش جە کۊشیای ٣١ ساڵەو گەریلایەتییشنە کەردە بە ساعیبەو ژیوای و چالاکییوە گەورەی. بە تایبەتمەندییەکاش کە بە مدرامان، ڕەنج، فەرماندەیی، پاگێرتەیرەو و باوەڕی بونیاتنریاو جمیەروو ئازادیی ژەنا و کورڎسانش بە تازەبیەییۊ یاوۍ پا خەتۍ کە نوێنەرایەتیی حەز و ئیرادەو ئازادی بۍ، بە سەرمەشقایەتی بۍ بە فەرماندۍ بە جەنگ و کۊشیای جوانە بۍ، جمیەروو ئازادیی ژەنا و کورڎسانی و خەباتما فرە بەقوەت کەرد. ئانە گەورەترین شکۊن پەی ئێمە و ڕەفێقەکاش، کە کەسایەتیی بەها تاریخییەکاما، کە شۊڕشوو ژەناما وەش کەرد چێروو ئەمرەو ئاڎیشانە خەبات کەرمۍ و کۊشیەیمۍ. وەختۍ سەرمەشقەکاو ئێمەی ژەنا، ئانۍ بە شکۊڎاری و هەیبەتشاوە، کە سەرەشا یاوۊ هەسارەکا ئاڎێما با، بەدڵنیاییوە کۊشیای ئێمە دژوو فاشیزمی، مەژگوو پیا، دەسەڵاتپەرەسی، زایەندپارێزنی گەشە کەرۊ و گەورە و بەردەوام بۊ، گرد گەشمەرڎێوە پەی ئێمە ئێمە وەعدوو ئامایدیی ئازادیین."
س.ز
