ھەپەگە: بەڕێزۊ یاڎو فەرمانڎە شاھېن شاھۊی مکەرمێۋە
ھەپەگە: بەڕێزۊ یاڎو فەرمانڎە شاھېن شاھۊی-ش کەرڎۊو ئەرەیاۋناش:" بەبەشڎاریۍ بۍ ڕاڕایی و یەگلاکەرەوەو وێش، پۍ ھامڕایاش بی بە نمونێۋە شۊڕشگێڵی ئاپۊیی".
ئەرەیاۋناو ناۋەنڎو یاۋنەری و چاپەمەنی ھەپەگەی چا بارۊ:
ھامڕاما شاھېن جە ٦ و ئادارو ٢٠١٣ی جە ۋەختو بەیاگۍ یاۋناو ئەرکو ۋێشنە جە مەنتېقەو"گابار"و بۊتانی بە پېلانگێڵیێۋە جاسوسی گەشمەرڎەبی. دماو ڕوۋەداکەی جاسوسەکە گېریاو ۋنەکۊڵیایش چنی کریا و دماو ئانەی ڕۊشن بېۊ کە بە بۍ بەھانە ھامڕاما شاھېن شاھۊش گەشمەرڎە کەرڎەن و جە دژوو ئەرەکۊشاو ئازاڎیی گەلەکەیما تاۋانۍ جۊراو جۊرۍ تەریچش ئەنجامدێنۍ بە سزاو ۋێش یاۋناما. ھەڤاڵ شاھېن جە ساڵەو ٢٠١٣ینە جە ۋەختێنە کە بەشێۋێۋە نامەرڎانە گەشمەرڎە کریا، کە ھێزەکێما جە سەرنېشتوو کورڎسانی دەسشا بە کېشیایۊ کەرڎەبۍ و بە جەم(کۆمەڵ) جۋانۍ بەشڎارۍ ڕیزو گەریلای بێنۍ، پۊکەی ئێمە نەتاۋاما جە ۋەختو ۋاڎەو ۋێشەنە گەشمەرڎەبیەیش بە خانەۋاڎە قارەمانو ۋڵاڎ پارێزەکەیش بېاۋنمۍ. ئێمە جە ساڵیاڎو گەشمەرڎە بیەیشەنە بە ڕێزۊ یاڎو ھەڤاڵ شاھېنی مکەرمێۋە و عەھدو قەرارو ۋێما پۍ گۊرەکەرڎەو بەقوەتکەرڎەو کۊشیای دوپات مکەرمێۋە و دڵسۊزی و وەفاو ۋێما پۍ گەشمەرڎا واوەی کەرمێۋە، سەرەۋەشی جە خانەواڎەی بە نرخیش و تەمامو ۋڵاڎ پارێزاو کورڎسانی مکەرمۍ.
زانیاری ورد سەرو ناسنامەو ھەڤاڵ شاھېن شاھۊی پی جۊرەنە:
ئەشناسېا بە / شاھېن شاھۊ
نامۍ / محەمەڎ سەید گونەش
یاگۍ جە ئەڎابیەیش / وان
نامۍ ئەڎێش / پاکېزە
نامۍ تاتەیش / عەلی
ۋەختو یاگۍ گەشمەرڎەبیەیش / ٦ و ئادارو ٢٠١٣/ گابار
ھامڕاما شاھېن بە ئازایەتی و سوربیەو بەشڎاری ۋێش پۍ ئێمەی ھامڕایش بی بە نمونێۋە شۊڕشگێڵی گۊرەی ئاپۊیی. ئێمە پێسە ھامڕایاش جە کەسایەتی ھەڤاڵ شاھېنېەنە عەھد مرەیمۍ ئا ژیۋایەی کە گرڎو گەشمەرڎاما پێشا جیا ئاستێنمۍ، قوەت بڎەیمۍ پنەو ۋەرمەکاشا مارمێنە دی. سەرو ئی بنەمایە جارێۋە تەر سەرەۋەشی جە خانەواڎەو وڵاڎ پارێزو ھەڤاڵ شاھېنی مکەرمۍ.
ھ.ش
