دووۍ فەرماندۍ و دووۍ گەریلۍ ژەنی سەرمەشقۍ بەرچەم هەرەکۊڵ شیرڤان (نەفیسە ئۊنگولو)ە و سەحەر چاگلا (ئایتەن گونەری)یە، کە بە بەرڎەوامی خەتەو ئازاڎینە کۊشیێنۍ و بارگرانیی شۊڕشیشا گێرتەبۍ کۊڵۍ و پاسە جەنگ کەرێنۍ. ئا دووە ژەنە گەریلۍ کە چند ساڵێن مدرامانێوە گەورەشا جمیەروو ئازاڎیینە نیشانە دان، بڕواشا پاسنۍ بۍ پەکەکە ئیساتۍ جمیەرێوە جیهانیین و ڕۊ بەڕۊ گەورەتەر بۊ.

گەشمەرڎە بەرچەم هەرەکۊڵە بەرڎەوام دڵسۊزیی وەڵاتەکەیش و یوە جە سەرمەشقەکاو کۊشیای ئازاڎیی بۍ.  هامڕا بەرچەم هەرەکۊڵە چا چەمپەنەکەوتەینە وەڵۍ گەشمەرڎەبییەیشنە ماچۊ؛" دڵشنە ماناو پەکەکەیش ڕۊشنە کەرڎێنۊ و ماچۊ، پێناسەو پەکەکەی ئاسان نییا، ماناکاو پەکەکەی فرێنۍ، مزانوو ئیساتۍ مەتاوو هەستوو وێم و دڵسۊزیی پەکەکەی بەگردی ئاشکرا کەروو، ڕاسیینە فرەو جارا پرسیارەم کەرڎێنە، کە ئایا بەروو حزبیوە شۊنێوە هەنە پێسە کۊشیای پەی حەقیقەتی و ئازاڎیی کریۊ؟ من هیچ کۊشیاێم چی ئاستەنە نەدییەن، تاریخەنە جمیەرۍ فرۍ بناغەشا سەروو ئازاڎیی نیانرە، وەلۍ بە ویەرڎەی وەختی بۊنەو قۊرتەکاوە گیرشا وارد، وەلۍ جمیەروو پەکەکەی پاسنە نیا، ئینا خەموو ئازاڎیینە و گرنگیی بە کۊشیای گردوو ئینسانیەتی مدۊ، کەس مەتاوۊ نکۊڵیی چانەیە کەرۊ کە پارتیما و کۊشیایما گەردوونیین. پێسە جمیەرێوە جیهانی بییەن بە هومێدوو گردوو ئینسانیەتی.

 ناوەندوو ڕۊشنگەری

بێگومان پێناسەکەرڎەی تەنیا پێسە حزبێوە کەما. پەکەکە مۊدێلوو ژیوایێوە ئازاڎین. تەنیا پێناسەکەرڎەی پێسە جمیەرێوە ڕاسییەکاو ڕێکوستەیەکەی تەسکۍ کەرۊوە. پەکەکە ناوەندوو ڕۊشنگەریین. دژوو سیستموو پیاسالاریین و شێوازێوە تازەو ژیواین. گردوو ئا بەهایا کە گلێرگەنە دەسشا ملەرە گیریان و تاریکیینە مەنێنێوە، بۊنەو پەکەکەیوە سەرە ورمداوە. پەوکای ڕاسیی پەکەکەی وەختێوە بەرکەوت، کە ئینسانەکۍ جە تاریکی، کۊیلایەتی و گڵیاوبییەی نەجاتشا بی، ڕووەشا کەرڎە ئا مەنتێقا کە ئازاڎی و پاکییش چەنەبۍ، پەی من پارتەکە بەهێوەنە  تێداهەبوو. پەی من پارتی بەهێوەنە هیچ شۊنێوەنە مەوێزووشۊ. من ئجۊم فرەو کەسی جمیەروو پەکەکەی مەشناسا، ڕووبەڕووۍ پرسیارە فرا باوە. چونکوم پەکەکە بە متمانەپەنەکریای ئشناسیان، حەرچندە قورسیچ بۊ وەلۍ پەکەکە قەت دەسبەرڎاروو دۊزوو وێش مەبۊ. پارتیما ئینەش پەی گردوو جیهانی سەلەمنان. بەروو ژیوایۊ دلۍ پەکەکەینە ڕاو ئازاڎییم نەدییە. منیچ جە یوەم هەنگاممنە ئینەمە دی. بە ویەرڎەی وەختی پەیم بەرکەوت کە من غەڵەت نەبییەنا. من بە ئیرادەی ئازاڎ ژیوایێوە تازەم ورچنی و وێم دلۍ پەکەکەینە وێستۊ."

 ڕۊحوو فیداییبییەی

سەحەر چاگلا (ئایتەن گونەری)یە یوە چا گەریلایانە کە سەروو خەتەو فیداییبییەیوە گژیا و گەشمەرڎۍ بییە. گەریلا گەشمەرڎە سەحەر چاگلا، چەمپەنەکەوتەکەی وەڵۍ گەشمەرڎەبییەیشنە ماچۊ:"ئەوەڵوو وەشبییەی پەکەکەیۊ، هەمیشە ڕۊحوو فیداکاری وەڵێوە بۍ، پەکەکە بنەڕەتنە سەروو ئا ڕۊحە فیداییبییەیۊ ئەرەمەرزیا. پەوکای سەرەڕاو گردوو هجوومەکا ڕۊ بە ڕۊ گەورەتەر بی. پەکەکە جمیەرێوەن، بەهەزاران دڵسۊزێش هەنۍ، کە تەماشەو گێرتە ڤیدیۊییەکاو گەشمەرڎە ئاندۊکیم کەرد، کاریگەریی فرەش سەرۊ نیانێرە. ئینەیچە هۊکارێوە بۍ تا جارێوە تەر پەرسووە جە وێم.

 ڕۊشنایی ڕەفێقەکاما ڕاما ڕۊشنە کەرۊوە

گەشمەرڎە ئاندۊکە ماچۊ، ژیوایێوە کە سەرنجەش سەروو سەرکەوتەیۊ بۊ، مانادارتەرین ژیوایا. ئایا متاوو کەسایەتیی وێم چا ئاستەنە مانادار کەروو؟ ئایا متاوو گرد ساتێوە ژیوایم تاجەو سەرکەوتەیش  کەروو سەر؟ ئی پرسیارێمە وەنەو وێم کەرڎۍ. ڕابەر ئاپۊ جە ورسەنگنایەکاشنە ماچۊ:"مەگرەودۍ پەی زیلانۍ، چالاکییەکاتا کەرڎۍ بە شێوازێوە ژیوای" ئی کەلیمۍ ڕێبازوو کۊشیای پێناسە کەرا. گرنگ ئانەنە جە ڕاسیی ئا هامڕایا بیاومێنە و ڕێبازەکەیشا وەر نەدەیمۍ. گەشمەرڎۍ ئاپۊیی حەرگیز مەرڎەێوە ئاساییشا قبووڵ نەکەرڎەن و سەرکەوتێنۍ. مەرڎەیشا کوشتەن و بە چالاکییەکاشا وێشا زیندە ئاستەنۊ. منیچ پا یاگەپاو ئی هامڕا گیانفیدایا منیەونە و ملوو. ڕۊشناییشا ڕاما ڕۊشنە کەرۊوە."