کۆمیتەو ڕاوەبەرایەتی پەکەکەی بۊنەو ئۆپراسیۆنە شۆڕشگێڵنیەکاو گەریلاکا ئازاڎیی کوردسانی کە دژوو ئەرەگیرا ئەنجامشا دېنۍ، پەیامێوە پیرۆبایشا پۍ فەرماندارەکاو قەرارگەو ناوەندی نەپەگەی کیاست و واتش: "سەرکۊتەی شمە چنی جەنگەوانا ئازاڎیی بۆ".
کۆمیتەو ڕاوەبەرایەتی پەکەکەی بۊنەو ئۆپراسیۆنە شۆڕشگێڵنیەکاو گەریلاکا ئازاڎیی کوردسانی جە خواکوڕک، مەتینا و زاپ ئەنجامشا دېنۍ، بەپەیامێوە پیرۆزبایش جە فەرمانداری قەرارگەو ناوەندی پارېزنای گەلی (نەپەگە)ی کەرڎ.
پەیامەکە پی جۊرەنە:
گەریلاکاو ئازاڎیی کوردسانی جە ٢٢-٢٤و کانوونوو یووەمیەنە جە خواکورک، مەتینا و زاپەنە چالاکیۍ سەرکۊتېشا ئەنجامدۍ. جە ٤٥ەمین ساڵیاڎوو پارتیمانە، جە دما دماییەکا ساڵەو ٢٠٢٣ېنە گورزێوە کاریگەرەشا جە دوژمنی فاشیستی بکوژی دا. ئی چالاکیۍ جە ئاژەو زەحمەتی زمسانینە ئەنجامدریۍ و گورزێوە قورسە جە دوژمنی ئەرەگیری دریا. ئی چالاکیۍ گەریلای پەشتەو دەوڵەتوو تورکی ئەرەگیری و هێزە پەشتیوانەکاش ماڕا، بەڵام مۆراڵ و جۆش و خرۆشێوە فرەش بەگەلی وڵاتپارێزی و دۆسە دیموکراتەکاما بەخشا، هیواو مدرامانیش بەقووەتتەر کەرد. هێزێکی فرە گۊرەو ئازاڎیی و گەردونی بەشدارۍ هەنگامەو "ئازاڎیی پۍ ڕابەر ئاپۆی و چارەسەری سیاسی پۍ کێشەو کوردی" بیۍ. بەراسی پۍ ماڕای هێزە ئەرەگیر و بکوژەکا، گەریلاکاو فیدایی ئاپۆیی جارێوەتەر هێزوو ۋېشا بە دۆس و دوژمنی نیشانەدا.
جە کەسایەتی شمەنە ئێمە ئا سەرکۊتە تاریخیەو فەرماندە و جەنگەوانەکا هەپەگەی و یەژاستاری کە دلۍ ئی چالاکییانە ساحیب ڕەنجەنۍ پیرۆز کەرمۍ، بە ڕێز و منەتۆ یاڎوو گرڎوو گەشمەرڎا ئازاڎیی کوردسانی کەرمېوە و هیواڎارێنمۍ کە ئی چالاکییە هەنگام بە هەنگام دما ڕۊی ئازاڎ بنیاڎ بنیۆ و بەردەوام بۆ. پی قەناعەتۆ ئێمە گرڎوو فەرماندەکا و هێزەکاو گەریلایما کە جە هەرێمەکاو پارېزنای مەدیاینە مدرامان کەرا سلام کەرمۍ.
سەرکۊتەی هەمیشە بەشوو جەنگەوانا ئازاڎیوازی و فیداییا".
