بە سەرمەشقایەتی مەجلیسی گەلوو کوردی بەریتانیانە و سەنتەروو وەڵێکۊتەی کوردی کە ناوەندەکەش ئینا لەندەنەنە، جە یانەو چورچیڵ-ینە جە پەرلەمانوو بەریتانیای پێشوازی نەورۆزی لوواڕاوە. پارتوو کرێکارا و پەرلەمانتارا کوردی و عەلەوی فریاڵ کلارک دەمیرچی و هامسەرۆکوو کەنەکەی ئەحمەد کەرەموس، لۆرد مۆریس گلاسمان، پەرلەمانتاراو پارتی نیشتمانی سکۆتلەندای (SNP) کریس ستیڤنس، ئەلیسۆن تیولیس، ئالان دۆران، پەرلەمانتاراو پارتوو کرێکارا، سیاسەتمەداروو کوردی عوسمان بایدەمیر، پەرلەمانتاری وەڵینوو هەدەپەی سەرپیل کەماڵبای، نوێنەراو ڕێکوزیا کوردسانییەکایچ چنەشەنە بەشداریشا کەرد.

حەرپاسە پەرلەمانتارا تەری جە پارتە جیاوازەکانە، ڕوقا حاق، ژاک لۆپرێستی، مارک ئیستوود، بارۆنێس دی سۆزا، لۆرد کینۆک، مارشا دی کۆردۆڤا، فلۆرانس ئیشالۆمی، جۆن سپێلار، ڤیرێندرا شارما، جێرمی کۆربین، مات وێستەرن، لۆید ڕوسێل-مۆیل، کریسپین بلانت، ئەندریا جێنکینز بەشدارییشا جە مەراسیموو نەورۆزینە کەرد.

حەرپاسە ئەنداموو ئەنجوومەنوو شارەوانی شارو لەندەنی ئان کلارک، سەرۆکوو شارەوانی لامبێس کلێر هۆڵاند و فرێوە جە ئەنداما و ۋەرپەرسا شارەوانیەکا بەشداریشا جە مەراسیمەکەنە کەرد.

جە مەراسیمەکەنە ئاژەو کوردی جە چوار پارچەو کوردسانینە هۊرسەنگیا.

قسەکەرا مەراسیمەکەی نەورۆزشا جە گەلوو کوردی پیرۆز کەرد و سەرنجشا وست سەروو فشارەکا گەلوو کوردی و گرنگی ئازاڎیی ڕابەروو گەلوو کوردی عەبدوڵا ئۆجالانی.

دماو قسەکا جە مەراسیمەکەنە گروپوو هونەری شاری زەماۋنڎەشا گێڵنا.