پەی گەریلاو- هێزەکاو پارێزنای گەلی (هەپەگە) شاهۆ داڵاهۆ (ئازاد حەسەن)، کە ١٤ تەموزوو ٢٠١٧ هەرێمەکاو پارێزنای مەدیاینە گەشمەردە بی، دەگاو بەرزانوو حەسەکەینە مەراسیمی غیابی لوا ڕاوە. سەدان ئەرەنیشتێ شاروو حەسەکەی و ئەنداماو ڕێکوزیا مەدەنی و سەروازییەکا بەشدارێ مەراسیمەکەی بێنێ،  مەراسیمەکەنە ڕسموو گەریلا شاهۆی و درووشموو "گەشمەردێ مەمرا"ی بەرزێ کریێوە.

مەراسیمەکەنە ڕاوەبەروو مەجلیسوو بنەیانەو گەشمەرداو حەسەکەی، زۆزان حەسەکە سەرەوەشییش وەنەو بنەیانەو گەشمەردەی کەرد و واتش: "گەشمەردە شاهۆ جە هەلومەرجی دژوارنە وەراوەروو دەوڵەتی ئەرەگیرکەروو تورکینە مدرامانش کەرد".

فەرماندە جە مەجلیسوو سەروازیی حەسەکەینە، دێرسیم حەسەکە واتش: "گەشمەردە شاهۆ دەرباسیە و سەرێکانیینە و سنوورەکاو عێراقینە دژوو داعشینە کۆشیا و کەشەکاو کوردستانینە تا گەشمەردەبییەی درێژەش بە کۆشیای دا".

فەرماندە جە هێزەکاو ئاسایشوو دلێنە ئیدریس عوسۆ وەعدش دا بە درێژەدای بە ڕاو گەشمەردا پەی ڕزگارکەردەی خاکوو کوردستانی.

دمایی ئەنداموو مەجلیسوو بنەیانەو حەسەکەی شناسنامەو گەشمەردەی ونیاوە و دریا دەسوو بنەیانەکەیشاوە.